Pa materyjałach upraŭleńnia pa baraćbie z ekanamičnymi złačynstvami UUS Mahiloŭskaha abłvykankama prakuraturaj Mahiloŭskaj vobłaści ŭ dačynieńni da načalnika ŭčastka adnaho ź filijałaŭ AAT "Łaŭsanbud" i dyrektara mahiloŭskaha kamiercyjnaha budaŭničaha pradpryjemstva raspačata kryminalnaja sprava za kradziež hrašovych srodkaŭ akcyjaniernaha tavarystva ŭ asabliva bujnym pamiery (č. 4 art. 210 KK).
Padazravanyja, źjaŭlajučysia słužbovymi asobami, pa papiaredniaj zmovie za vosiem miesiacaŭ vykrali bolš jak 202 młn. rubloŭ, jakija naležać AAT "Łaŭsanbud".
Pavodle infarmacyi apieratyŭnikaŭ, načalnik učastka filijała AAT "Łaŭsanbud" (vystupaŭ hienpadradčykam) pa zahadzie vyšejšaha kiraŭnictva byŭ upaŭnavažany padpisvać akty vykananych demantažnych i budaŭničych rabot na abjekcie "Techničnaje pieraŭzbrajeńnie i rekanstrukcyja AAT "Papiarovaja fabryka "Spartak".
Pavodle papiaredniaj zmovy z dyrektaram kamiercyjnaj budaŭničaj struktury (vystupili subpadradčykami) jany afarmlali i śviedčyli svaimi podpisami akty zdačy-pryjomki vykananych budaŭničych i inšych śpiecyjalnych mantažnych rabot na abjekcie, a taksama raźliki koštu rabot u biahučych cenach, raźliki koštu ekspłuatacyi mašyn i miechanizmaŭ i inšyja dakumienty ab vykanańni demantažnych rabot budaŭnikami pryvatnaj firmy.
Adnak faktyčna vykananyja raboty pa madernizacyi papiarovaj fabryki ažyćciaŭlalisia rabotnikami AAT "Łaŭsanbud", taksama vykarystoŭvałasia technika i miechanizmy hetaha AAT.
Na padstavie padpisanych dakumientaŭ AAT "Łaŭsanbud" pieraličyła kamiercyjnaj struktury bolš jak 202 młn. rubloŭ, jakija i byli vykradzieny padazronymi.
Ciapier apieratyŭniki ŭstanaŭlivajuć koła asob, jakija akazvali sadziejničańnie padazronym va ŭčynieńni kradziažoŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary