U Kramli admovilisia kamientavać pryčyny krušeńnia samalota ŭ Kazachstanie
Pres-sakratar prezidenta RF Dźmitryj Piaskoŭ zajaviŭ, što Kreml nie stanie rabić hipotezy pryčyn avijakatastrofy samalota Azerbaijan Arilines u Kazachstanie da zakančeńnia śledstva.
«Da vysnoŭ śledstva vybudoŭvać jakija-niebudź hipotezy było b niasłušna. My, kaniešnie ž, hetaha rabić nie budziem, i nichto nie pavinien hetaha rabić. Treba dačakacca zakančeńnia śledstva», — skazaŭ Piaskoŭ.
Paśla krušeńnia samalota Azerbaijan Arilines u Kazachstanie na abłomkach łajniera zaŭvažyli ślady, padobnyja na paškodžańni ad elemientaŭ zienitnaj rakiety. Takim čynam źjaviłasia viersija, što samalot mahli atakavać rasijskaja SPA, jakija 25 śniežnia adbivali ataku ŭkrainskich bieśpiłotnikaŭ.
U Kazachstanie nazvali takija zdahadki «śpiekulacyjami».
U toj ža čas telehram-kanał VČK-OHPU zajaviŭ, što jamu ŭdałosia aznajomicca z poŭnaj rasšyfroŭkaj pieramoŭ ekipaža rejsa Baku — Hrozny z dyśpietčaram u Hroznym. Ź jaje vynikaje, što samalot padbili zienitnaj rakietaj.
25 śniežnia pasažyrski samalot Embraer 190 avijakampanii AZAL, jaki vykonvaŭ rejs pa maršrucie Baku — Hrozny, raźbiŭsia za try kiłamietry ad aeraporta Aktau.
Na borcie pavietranaha sudna znachodzilisia 67 čałaviek, u tym liku 62 pasažyry i 5 členaŭ ekipaža. Pavodle abnoŭlenych danych, siarod pasažyraŭ byli:
- 37 hramadzian Azierbajdžana, ź ich 23 čałavieki zahinuli, 14 vyžyli;
- 3 hramadzian Kyrhyzstana, usie vyžyli;
- 16 hramadzian Rasii, ź jakich 7 zahinuli, 9 vyžyli;
- 6 hramadzian Kazachstana, usie jany zahinuli.
Abodva piłoty samalota zahinuli. Ź piaci členaŭ ekipaža troje zastalisia žyvymi.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary