Doŭhija nohi i straść: u Minsku praciahvajecca Tydzień mody — fotarepartaž
Padychodzić da kanca Minski tydzień mody. Čatyry dni biełaruskija dyzajniery prezientavali svaje kalekcyi, modniki vyšpacyroŭvali svaje kaściumy i za kielichami vina abmiarkoŭvali pakazy. My jašče raz zavitali na pakazy i pahladzieli, čym paciešyŭ haściej treci dzień mierapryjemstva.
Hetym razam vino było ŭžo ružovaje i ludziej u Domie Maskvy było bolš, ale pry hetym było vielmi cicha i, jak skazaŭ adzin z haściej: « Čamuści ŭsio vielmi sumna. Siabry, heta ž moda, a moda pavinna kryčać!»
Pakazy pačalisia praktyčna ŭ čas. Pieršaj była prezientacyja ŭpryhožvańniaŭ Jeleny Levaniuk, pad čas jakoj dziaŭčyny i adzin chłopiec-andrahin, chadzili pa podyŭmie u adnych tolki kašulach, z sabačkami na rukach. U hetym pakazie było vielmi šmat doŭhich i pryhožych noh, tamu mužčynam jon byŭ jak nikoli cikavy.
Druhim i, napeŭna, samym doŭhačakanym byŭ pakaz francuzskaha dyzajniera Claudine Ivari, ź jaje elehantnaj kalekcyjaj. Strymanyja kolery, prostaść, ale pry hetym nieadjemny francuzski šyk, pryjšoŭsia ŭsim daspadoby.
Trapiŭšy ŭ pres-centr, my byli pryjemna ździŭleny, što zamiest samotnaha stolika i niezrazumiełaha zedlika, arhanizatary pakłapacilisia ab tym, kab źjaviłasia dobraja kanapa, stoł i kresły dla žurnalistaŭ.
Dy j uvohule ŭ hety dzień pakazy praktyčna nie spaźnialisia, ludziej było nie vielmi šmat i ŭsio prachodziła biez nakładak ŭ supakojnym rytmie.
Siarod haściej byŭ i dyzajnier Alaksandr Varłamaŭ, troški sumny i niejki zadumienny, jon bieź vialikaj achvoty hutaryŭ ź ludźmi.
Treci pakaz byŭ debiutny dla brenda Ton-in-Ton, dyzajnier jakoha prezientavała sukienki i kaściumy z naturalnaj pražy.
Skončyŭsia dzień pakazam maskoŭskaha dyzajniera Kaurtseva, pad enierhičnuju muzyku, jana pakazała kalekcyju viečarovych sukienak. Ich pieravažna čyrvony koler i blask azdableńnia, nadali pakazu straści.
Zapał ad jakoha jašče doŭha nie pakidaŭ haściej. Voś što značyć dobra padabranaja muzyka i pryhažość u padačy adzieńnia.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI8
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary