Supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj Ministerstva ŭnutranych spraŭ Biełarusi pry padtrymcy bajcoŭ śpiecpadraździaleńnia pa baraćbie z teraryzmam «Ałmaz» zatrymali na miescy złačynstva členaŭ mižnarodnaj złačynnaj hrupy, jakija ŭčynili ŭzbrojeny razboj u Słucku.
Napad na indyvidualnaha pradprymalnika sa Słucka i členaŭ jaho siamji złačyncy zapłanavali bližej da apoŭnačy 15 kastryčnika.
Hrupa ź piaci čałaviek u maskach sa zbrojaj i srodkami pranikła ŭ dom, ale ŭ momant złačynstva ŭsie byli zatrymany.
Ciapier asoby napadnikaŭ ustanoŭleny. Imi akazalisia troje rasijan (adzin ź ich uradženiec Ašchabada, žyŭ u Branskaj vobłaści, i dvoje maskvičoŭ), a taksama dvoje žycharoŭ Babrujska. Troje fihurantaŭ raniej sudzimyja, u tym liku za niezakonny abarot zbroi i narkotykaŭ.
Zmahary z arhzłačynnaściu dziakujučy sadziejańniu kaleh z pravaachoŭnych orhanaŭ Rasii ŭstanavili, što troje hramadzian hetaj krainy mieli vialikija suviazi ŭ kryminalnym śviecie. Sprabujučy znajści achviaru złačynstva praz tak zvanaha «pałaženca» (pradstaŭnik złačynnaha śvietu, jaki sočyć za situacyjaj u peŭnym rehijonie) Mahiloŭskaj vobłaści, jaki znachodzicca ciapier u Rasii, jany vyjšli na zhadanych vyšej babrujčan. Miesca i čas učynieńnia razboju vyznačalisia supolna.
Upraŭleńniem Śledčaha kamiteta pa Minskaj vobłaści raspačata sprava pa č. 2 art. 207 Kryminalnaha kodeksa (razboj), sankcyjaj jakoj praduhledžana pakarańnie ŭ vyhladzie pazbaŭleńnia voli na termin ad 6 da 15 hadoŭ z kanfiskacyjaj majomaści. Pravodziacca dalejšyja apieratyŭnyja i śledčyja dziejańni.
Zatrymanyja źmieščany ŭ IČU HUUS Minharvykankama.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary