Fatohrafam Splash News upieršyniu za 25 hadoŭ udałosia sfatahrafavać Marynu Prusakovu (ciapier Marynu Osvald Porter), udavu mierkavanaha zabojcy prezidenta Kieniedzi Li Charvi Osvalda, piša ITAR-TASS
Maryna Prusakova naradziłasia 17 lipienia 1941 h. u Mołataŭcku (siońnia Sievieradźvinsk), potym ź siamjoj pierajechała ŭ Minsk, dzie i paznajomiłasia ź Li Charvi Osvaldam, jaki ŭ 1959 h. pryjechaŭ u SSSR.
Jany ažanilisia ŭ 1961 h., žyli ŭ Minsku na vulicy Kamunistyčnaj, a ŭ 1962 h. vyjechali ŭ ZŠA.
22 listapada 1963 h. u Dałasie, jak ličycca, Li Charvi Osvald zabiŭ prezidenta Džona Kieniedzi.
Praz paŭtara hoda paśla śmierci Osvalda Maryna vyjšła zamuž za svajho susieda, Kieneta Portera. U siaredzinie 1970- ch hadoŭ jany pierajechali ŭ Rokuoł.
Niadaŭna Maryna pradała zaručalny minski piarścionak, padarany joj Li Charvi. Jaho pradali na aŭkcyjonie za 118 tys. dalaraŭ.
Maryna Osvald Porter u 25-ja ŭhodki zabojstva Kieniedzi pahadziłasia na intervju, ale z taho času (1988 h.) admaŭlała ŭ kantaktach.
22 listapada spoŭnicca 50 hadoŭ z času zabojstva Džona Kieniedzi.
Kamientary