Pavieł Jakubovič: «U Minsku pavinien być pomnik achviaram palityčnych represij»
U prahramie «Kłub redaktaraŭ» na kanale «Biełaruś-1» hałoŭny redaktar «Savieckaj Biełarusii» Pavieł Jakubovič uźniaŭ temu patrebnaści i niepatrebnaści pomnikaŭ u Minsku.
«Da mianie ŭ redakcyju źviartajucca čytačy: jość niejkaja niespraviadlivaść — histaryčnaja, maralnaja — u tym, što ŭ Minsku niama pomnika achviaram palityčnym represijam. Na žal, heta vializnaja kolkaść ludziej, jakija stali achviarami ahresiŭnych daktryn baraćby za ŭładu. Čamu niama takoha pomnika? - zadaŭ rytaryčnaje pytańnie Pavieł Jakubovič. —
Kali pomnik Leninu ŭjaŭlaje niejkuju mastackuju kaštoŭnaść — a jon, viadoma ž, ujaŭlaje, — navošta jaho znosić, my ž nie varvary. Ale pomnik achviaram palityčnych represij taksama pavinien być».
Uzhadaŭ Jakubovič i Kurapaty. «Čamu ŭ nas takoje nietłumačalnaje staŭleńnie da Kurapataŭ? Kurapaty — heta mohiłki. Tam lažać i śviatary, i čekisty… Čamu dziaržaŭny aparat addaŭ heta na vodkup amataram pakryčać? Chodziać, pa-słanoŭi topčucca, vyśviatlajuć adnosiny…» — dvuchsensoŭna zajaviŭ jon.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA13
Kamientary