Viadomy biełaruski tenisist Maksim Mirny ŭ nastupnym siezonie nie budzie vystupać u pary z rumynam Choryjaj Tekaŭ.
Na dumku Mirnaha, sioleta ich tandem z Tekaŭ nie dabiŭsia vialikich pośpiechaŭ, vyjhraŭšy ŭsiaho try turniry pad ehidaj ATP — u krasaviku ŭ Buchareście, u červieni ŭ hałandskim Chiertahienbose i ŭ kastryčniku ŭ Piekinie. Akramia taho, biełaruska-rumynskaja para dvojčy paciarpieła parazy ŭ vyrašalnych matčach. Pa vynikach siezonu Maksim Mirny i Choryja Tekaŭ zaniali 9-je miesca ŭ parnym suśvietnym rejtynhu i nie patrapili na finalny turnir 2013 z udziełam vaśmi najlepšych par płaniety.
U minułyja hady Maksim Mirny dvojčy stanaviŭsia pieramožcam vynikovych turniraŭ ATP — u 2006 hodzie sa šviedam Jonasam Bjorkmanam i ŭ 2011-m — z kanadcam Danielem Niestaram.
Usiaho za svaju prafiesijnuju karjeru Mirny 48 razoŭ vyjhravaŭ parnyja turniry z roznymi partniorami.
Maksim Mirny, jakomu zaraz 36 hadoŭ, pakul nie vyznačyŭsia, chto budzie hulać razam ź im u nastupnym siezonie. A voś Choryja Tekaŭ maje namier vystupać u 2014 hodzie ŭ duecie z hałandskim tenisistam Žanam-Žuljenam Rojeram.
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary