Tak dom na Vilenskaj vyhladaŭ raniej. Fota yardkeeper.livejournal.com.
Buldoziernaja rekanstrukcyja ŭ dziejańni. Fota s13.ru.
Buldoziernaja rekanstrukcyja ŭ dziejańni. Fota s13.ru.
Ekśpiertyza pryznała dom na Vilenskaj avaryjnym.
Ministerstva kultury daje dabro na znos stohadovaha budynka, jaki pieražyŭ dźvie suśvietnyja vajny.
Voś takim budzie ofisny navabud na miescy źniesienaha doma.
Voś takim budzie ofisny navabud na miescy źniesienaha doma.
Publikacyi, pryśviečanyja znosu budynka na skryžavańni vulicy Vilenskaj i adnajmiennaha zavułka ŭ Hrodnie, vyklikała haračyja dyskusii.
Hrodzienski błoh s13.ru źviazaŭsia z pradstaŭnikami ŭładalnika budynka, kab vyśvietlić usie abstaviny znosu i pierśpiektyvy dadzienaha ŭčastka.
Jak raskazali pradstaŭniki ŭładalnika, budynak pa vuł. Vilenskaja, 20 daŭno nie vykarystoŭvaŭsia pa pryznačeńni, ź ciaham času jon mocna sastareŭ.
U vyniku, tam pastajanna žyła hrupa asob biez peŭnaha miesca žycharstva, što ŭžo samo pa sabie niesła pahrozu z punktu hledžańnia pažarnaj biaśpieki.
Heta asabliva važna ŭ tym liku i tamu, što pobač raźmieščany budynki Hrodzienskaha likiora-harełačnaha zavoda.
Pakolki ŭ pierśpiektyvie dom pavinien byŭ stać ofisnym budynkam, novy ŭładalnik ŭziaŭsia za jaho rekanstrukcyju.
U chodzie padrychtoŭki da prajektavańnia rekanstrukcyi było praviedziena detalovaje abśledavańnie budynka, pa vynikach jakoha i było vyznačana, što budynak znachodzicca ŭ avaryjnym stanie.
Daśledavańni hruntoŭ, hieałahičnyja daśledavańni paćvierdzili, što budynak z vapnavym padmurkam nie zmoža vytrymać navat minimalny ramont i padmurak nieabchodna ŭmacoŭvać abo pierarablać.
Na padstavie hetaha było pryniataje rašeńnie ab rekanstrukcyi šlacham razborki budynka ź jaho nastupnym uznaŭleńniem.
Adnačasova z prajektavańniem vyśviatlałasia pytańnie ab histaryčnaj kaštoŭnaści praz zvarot u Ministerstva kultury. Było zroblena zaklučeńnie ab tym, što budynak kaštoŭnaści nie ŭjaŭlaje i prajekt nie supiarečyć praviłam i normam.
Akramia hetaha, uvieś prajekt byŭ uzhodnieny i z architekturnymi słužbami horada i vobłaści.
