Што з'явіцца на месцы знесенага дома на Віленскай у Гродне — афіцыйная версія
Публікацыі, прысвечаныя зносу будынка на скрыжаванні вуліцы Віленскай і аднайменнага завулка ў Гродне, выклікала гарачыя дыскусіі.
Гродзенскі блог s13.ru звязаўся з прадстаўнікамі ўладальніка будынка, каб высветліць усе абставіны зносу і перспектывы дадзенага ўчастка.
Як расказалі прадстаўнікі ўладальніка, будынак па вул. Віленская, 20 даўно не выкарыстоўваўся па прызначэнні, з цягам часу ён моцна састарэў.
У выніку, там пастаянна жыла група асоб без пэўнага месца жыхарства, што ўжо само па сабе несла пагрозу з пункту гледжання пажарнай бяспекі.
Гэта асабліва важна ў тым ліку і таму, што побач размешчаны будынкі Гродзенскага лікёра-гарэлачнага завода.
Паколькі ў перспектыве дом павінен быў стаць офісным будынкам, новы ўладальнік ўзяўся за яго рэканструкцыю.
У ходзе падрыхтоўкі да праектавання рэканструкцыі было праведзена дэталёвае абследаванне будынка, па выніках якога і было вызначана, што будынак знаходзіцца ў аварыйным стане.
Даследаванні грунтоў, геалагічныя даследаванні пацвердзілі, што будынак з вапнавым падмуркам не зможа вытрымаць нават мінімальны рамонт і падмурак неабходна ўмацоўваць або перарабляць.
На падставе гэтага было прынятае рашэнне аб рэканструкцыі шляхам разборкі будынка з яго наступным узнаўленнем.
Адначасова з праектаваннем высвятлялася пытанне аб гістарычнай каштоўнасці праз зварот у Міністэрства культуры. Было зроблена заключэнне аб тым, што будынак каштоўнасці не ўяўляе і праект не супярэчыць правілам і нормам.
Акрамя гэтага, увесь праект быў узгоднены і з архітэктурнымі службамі горада і вобласці.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары