U miežach prajektu «Tuzin.Niemaŭla» muzyka i mastak Lavon Volski pradstaviŭ aŭtarski plakat da stužki «Kastuś Kalinoŭski», źniataj u 1927 hodzie, piša tuzin.fm.
«Heta nienavukova-fantastyčny vestern. Tolki nie spahieci-vestern i nia bulba-muvi, a hetki lniany bajavik. Usie pany kiepskija, a sialanie dobryja.
Ale stužka dychaje daŭniaj manachromnaj ciepłynioj i dobra hladzicca», —s raspaviadaje pra svajo staŭleńnie da niamoj stužki «Kastuś Kalinoŭski» Lavon Volski.
Muzyka z zadavalnieńjem pahadziŭsia ŭdzielničać u prajekcie ŭ jakaści mastaka. Jon končyŭ Mienskuju mastackuju vučelniu imia Hlebava (1984). U 1993 hodzie mieŭ persanalnuju vystavu ŭ muzei Bahdanoviča.
Malavaŭ komiksy dy ilustracyi dla časopisa «Biarozka», hazet «Niva» (Biełastok) i «Naša Niva». Azdobiŭ ułasnuju knihu prozy, niekalki muzyčnych albomaŭ. Pracuje ŭ roznych stylach i technikach.
Prezentacyja plakatu adbyłasia ŭ aficyjnaj supołcy prajektu «Tuzin.Niemaŭla» u Facebook. Tamsama svaje pracy pradstaviać inšyja mastaki, jakija stvaryli aŭtarskija plakaty da stužak «U ahni narodžanaja» i «Prastytutka» — polski tvorca Andžej Vieteška i Vasilisa Palanina-Kalenda.
Aŭtarskija plakaty azdobiać DVD-dyski, jakija vyjduć ciaham miesiaca kalekcyjnym nakładam.
