Ab hetym paviedamili va ŭpraŭleńni kantrolu spažyvieckaha rynku — Handlovaj inśpiekcyi Ministerstva handlu.
Handlovaja inśpiekcyja ŭ žniŭni — listapadzie praviała šerah pazapłanavych pravierak, u tym liku niekatorych kram sietki «Jeŭraopt». Vyniki kantrolnych mierapryjemstvaŭ śviedčać, što ŭ kožnym trecim handlovym abjekcie sietki mahazinaŭ «Jeŭraopt» ź liku pravieranych realizoŭvaŭsia praterminavany tavar.
Tak, z 38 pravieranych Minhandlem mahazinaŭ sietki ŭ 14 byli ŭstanoŭleny fakty prodažu (znachodžańnia ŭ realizacyi) tavaraŭ z praminułymi terminami prydatnaści.
Tolki za nazvanyja parušeńni zakanadaŭstva praduhledžvaje pakarańnie TAA «Jeŭrahandal» na sumu zvyš 450 młn rubloŭ.
U Handlovaj inśpiekcyi adznačyli, što pravierki handlovych arhanizacyj pravodziacca na pastajannaj asnovie, u tym liku z vykarystańniem infarmacyi, jakaja pastupaje ad hramadzian pa telefonie davieru 200-92-02.