 |
Połackaja jeparchija Biełaruskaj pravasłaŭnaj carkvy adznačaje svajo 1015‑hodździe. Uračystaści praciahnucca ŭvieś tydzień. Śviatočnaje bohasłužeńnie adbudziecca ŭ adrestaŭravanym Bohajaŭlenskim kafiedralnym sabory.
U paniadziełak ŭ Pałacy kultury AAT «Škłovałakno» adčynicca fotavystava «Połack duchoŭny ŭ minułym i sučasnym», tut ža projdzie navukova‑praktyčnaja kanfierencyja. U aŭtorak budzie adsłužany malebien i aśviečany pakłonny kryž na ŭjeździe ŭ Połack z boku Minska. Napiaredadni jubileju na darohach, što viaduć u staražytny horad, ustalavali čatyry pakłonnyja kryžy.
Aproč taho, u śviatočnuju prahramu ŭklučany ŭračysty viečar i prahlad pjesy pra śviatuju Jeŭfrasińniu Połackuju, fiestyval videafilmaŭ, kancert duchoŭnych śpievaŭ i zvanoŭ.
Čakajecca, što va ŭračystaściach prymie ŭdzieł Patryjaršy Ekzarch usioj Biełarusi, mitrapalit Minski i Słucki Fiłaret.
