Učora, 30‑ha vieraśnia salihorskija maładafrontaŭcy zładzili pikiet u padtrymku palitviaźniaŭ.
Učora, 30‑ha vieraśnia salihorskija maładafrontaŭcy zładzili pikiet u padtrymku palitviaźniaŭ. Raniej zajavy na praviadzieńnie niekalkich pikietaŭ byli razhledžanyja salihorskim rajvykankamam z pradkazalnym vynikam: pikiet zabaranić, milicyi zabiaśpiečyć kantrol hramadskaha paradku.
Zachavańnie paradku vyjaŭlałasia ŭ pilnym nazirańni za aktyvistami niezarehistravanaj arhanizacyi. Naprykład, pad voknami Paŭła Batujeva z ranicy stajała abłoha — try milicyjanty ŭ mašynie pad kiraŭnictvam učastkovaha inspektara. (fota)
Milicyja adsočvała pieramiaščeńni i inšych maładafrontaŭcaŭ. Jašče da pačatku pikietu byŭ zatrymany niepaŭnahadovy Andrej Tyčyna. Na chłopca skłali pratakoł ab administratyŭnym pravaparušeńni, nibyta jon «u pamiaškańni RAUSa niecenzurna łajaŭsia na rabotnikaŭ milicyi, na zaŭvahi nie reahavaŭ». Paśla vobšuku byli kanfiskavanyja raściažki «Svabodu Daškieviču», «Nie — pavyšeńniu cenaŭ» i ŭlotki. Paźniej chłopca adpuścili.
Kali aktyvisty paviesili raściažku «Svabodu palitviaźniam» na adnoj z vulic horadu, padbiehli ludzi ŭ cyvilnym, kab zatrymać Ivana Šyłu. Adzin ź ich pradstaviŭsia inspektaram pa spravach niepaŭnahadovych, a na pytańnie «što vy tut robicie» adkazaŭ: «a nam bolš niama čym zaniacca». Pakul milicyjanty razmaŭlali z presaj, maładafrontaŭcy spakojna syjšli.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas13
Kamientary