Prezident RF paviedamiŭ, što zapazyčanaść ukrainskich pradpryjemstvaŭ pierad čatyrma rasijskimi bankami: Hazprambankam, Aščadnym bankam, VEBam i VTB pieravyšaje $20 miljardaŭ i jašče kala RUR280 miljardaŭ (što adpaviadaje prykładna $8 miljardam).
Pucin zajaviŭ, što Rasija budzie pracavać z Ukrainaj pa ŭrehulavańni hetaj zapazyčanaści, a taksama pa hazavych daŭhach, niezaležna ad rašeńnia Kijeva ab jeŭraintehracyi, paviedamlaje ahienctva RIA-Novosti.
«My pracavali z Ukrainaj i budziem pracavać niezazaležna ad taho, jak Ukraina vyznačycca z padpisańniem dakumienta, źviazanaha z zonaj svabodnaha handlu ź Jeŭrasajuzam», — skazaŭ Pucin na pres-kanfierencyi pa vynikach rasijska-italjanskich miždziaržaŭnych kansultacyj.
«Hetyja 20 miljardaŭ dalaraŭ, plus jašče 8 miljardaŭ, plus jašče 2 miljardy dalaraŭ, jakija byli prapłačanyja za tranzit (rasijskaha hazu praz terytoryju Ukrainy — ria.ru) — heta ŭsio kredyty abo kvazi-kredyty», — skazaŭ Pucin.