Makiej: Pieramovy ź ES ab spraščeńni vizavaha režymu mohuć być chutkimi, heta ŭstanoŭka Łukašenki
Kiraŭnik MZS Biełarusi, jaki znachodzicca na vilenskim samicie «Uschodniaha partniorstva», prakamientavaŭ siońniašniuju zajavu staršyni Jeŭrakamisii.
Nahadajem, Žaze Manuel Barozu paviedamiŭ, što Biełaruś hatovaja pačać pieramovy pa padpisańni damovy ab spraščeńni vizavaha režymu ź Jeŭrasajuzam. Jeŭraradyjo pacikaviłasia va Uładzimira Makieja, jak chutka heta moža adbycca?
Ministr zamiežnych spraŭ nahadaŭ, što Biełaruś prapanavała ES pačać pieramovy ab spraščeńni vizavaha režymu jašče ŭ 2004 hodzie, ale biezvynikova. A ŭ 2011-m Jeŭrasajuz zajaviŭ pra zhodu pačać pieramoŭny praces, ale adnačasova byli ŭviedzienyja sankcyi. Tamu ŭłady Biełarusi nie pajšli na pieramovy i situacyja znachodziłasia ŭ «padviešanym stanie» až da siońniašniaha dnia.
«Siońnia nastaŭ čas, kali možna vieści razmovu ab pačatku pieramovaŭ ź Jeŭrapiejskim sajuzam ab zaklučeńni pahadnieńnia ab spraščeńni vizavaha režymu.
Heta ŭstanoŭka prezidenta našaj krainy. Jon sychodziŭ z taho, što heta budzie vyhadna dla kankretnaha prostaha čałavieka, dla našych ludziej. I hety budzie vielmi pazityŭna razhladacca ludźmi», — skazaŭ U. Makiej.
Makiej adznačyŭ, što «kali budzie kanstruktyŭny nastroj z abodvuch bakoŭ», to prablema budzie vyrašanaja «za karotki čas».
Apytanka
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ1
Kamientary