Unutrany hadzińnik vašaha arhanizmu nie horšy za miechaničny. U centry mozhu znachodzicca kłubok niervaŭ pad nazvaj suprachijazmalnaje jadro, jakoje kuryruje hadzińnik arhanizmu — cyrkadny rytm. Jon vyznačaje pieryjady drymotnaści i badzioraści, kantraluje kryviany cisk, tempieraturu cieła i pačućcie času.
Pa sutnaści, naša cieła — idealna nastrojenaja mašyna, i hetaja mašyna lubić pradkazalnaść: praca cieła stanovicca najbolš efiektyŭnaj, kali jość rucinnaja paśladoŭnaść. Tak što, kali vy zasynajecie i pračynajeciesia ŭ adzin i toj ža čas na praciahu niekalkich dzion, to ŭnutrany hadzińnik padładžvajecca pad hety hrafik.
Cykł snu-niaspańnia rehulujecca białkom PER. Uzrovień białku padymajecca i apuskajecca na praciahu dnia, dasiahajučy piku ŭviečary i padzieńnia nočču. Kali ŭzrovień PER nizki, vaš kryviany cisk padaje, puls zapavolvajecca, a myśleńnie zatumańvajecca — vy robiciesia sonnym.
Kali vy budziecie pračynacca kožny dzień u adnu i tuju ž paru, to cieła navučycca vypracoŭvać dastatkovuju kolkaść PER u patrebny čas — prykładna za hadzinu da abudžeńnia ŭzrovień PER razam z tempieraturaj cieła i arteryjalnaha cisku pačnie raści. Dla padrychtoŭki da stresu niaspańnia cieła vypracoŭvaje ceły kaktejl z harmonaŭ stresu — karcizoł.
Mienavita tamu vy pračynajeciesia raniej za budzilnik. Na samaj spravie, vaša cieła hety budzilnik nienavidzić — dla jaho takoje rezkaje abudžeńnie źjaŭlajecca stresam. Budzilnik zvodzić na ništo ŭsiu pracu vašaha cieła — jon pieraškadžaje jamu pračynacca pastupova, naturalnym čynam.
Darečy, kali vy nie pračynajeciesia raniej za budzilnik, to, vierahodna, nie dasypajecie ci ž kładzieciesia spać nie pa hrafiku. Kali, naprykład, vy ŭstajacie ŭ rozny čas u budni i vychadnyja, to «skidajecie» naładki ŭnutranych hadzin. Biez hrafika vaša cieła nie viedaje, kali treba pračynacca, tamu, kali bomkaje budzilnik, vy adčuvajecie siabie pryhałomšanym i razdražnionym.
Vy naciskajecie knopku paŭtoru, i pakolki vaš arhanizm užo pračnuŭsia, chaj i ŭ stanie stresu, nastupnaja faza chutkaha snu jašče bolš źbivaje ŭnutranyja hadziny. Harmony, jakija dapamahajuć vam zasnuć, źmiešvajucca z harmonami, jakija dapamahajuć vam pračnucca — cieła błytajecca, i z kožnym paŭtornym zvankom budzilnika stanovicca tolki horš. Tak što ranišnija zvanki — heta najhoršy sposab pačać dzień.
