![]() Uha Čaves |
Prezydent Venesueły prezentavaŭ publicy svoj pieršy kampakt‑dysk pad nazvaj «Pieśni nazaŭsiody» . Jak paviedamlajuć arhientynskija ŚMI, u zbornik uvajšli papularnyja venesuelskija j meksykanskija pieśni, jakija lider Venesueły vykonvaŭ padčas niadzielnych tele‑ i radyjopieradač «Alo, prezydent».
Prezydent Venesueły, jaki lubić pramaŭlać pa šmat hadzin zapar, dziela taho, kab dać krychu pieradychnuć svaim słuchačam, zabaŭlaŭ ich svaimi śpievami.
Kab uniknuć mahčymaj krytyki z boku palityčnych praciŭnikaŭ, Uha Čaves paśpiašaŭsia zajavić, što «CD — heta čarhovaje svavolstva načalnicy presavaj słužby prezydenta».
Na kružełcy padadzienaja fatahrafija ŭśmiešlivaha Čavesa ŭ jahonaj charakternaj čyrvonaj kašuli z šyrakapołym kapielušom na hałavie i mikrafonam u rukach.
Jak adznačajuć arhientynskija ŚMI, pakul jašče nia vyrašana pradavać CD albo raspaŭsiudžvać ich biaspłatna.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)