Novy feljeton z błohu Lolika Uškina.
Biełaruskaja pravaabaronca Ludmiła Hriaznova zajaviła, što suprać arhanizataraŭ Jeŭrapiejskaha maršu rychtujecca “pravakacyja seksualnaha charaktaru”. Chutčej za ŭsio buduć demanstravać “nieprystojnyja fotki i videamateryjały” ( z materyjałaŭ presy).
Va ŭsiej hetaj historyi tryvožyć tolki adno - bajusia, uik-endaŭski rolik na BT z pakazam “nieprystojnych fotkaŭ i videamateryjałaŭ”, znoŭ budzie tyčycca byccam miaŭšych miesca suviaziej apazicyjanieraŭ z adeptami seksualnych devijacyj.
Hety triend – českija piedafiły, łatyšskija hamasieki, błakitnyja kłoŭny na kanhresu ADS, ščyra kažučy krychu zadałbaŭ i jak śled nie vyklikaje nijakaha hramadskaha rezanansu, na jaki raźličvać aŭtary šedeŭraŭ.
Miž tym u hramadstvie mora inšych ekstravahantnych mienšaściaŭ z anamalnymi zababonami, nie zrazumiełymi hramadstvu.
Voś naprykład, na dniach trapiłasia na vočy cudoŭnaja statystyka: nasupierak ukazu prezidenta z 200 000 indyvidualnych pradprymalnikaŭ krainy tolki 169 (!) padali zajavy na pierachod u status Pryvatnych unitarnych pradprymalnikaŭ (PUP).
Hetyja 169 čełaŭ u ahulnaj masie małych biźniesmienaŭ składajuć 0,08 pracentaŭ, a ŭ masie ahulnaj kolkaści nasielnictva i kazać śmiešna. To bak z punktu hledžańnia narmalnaha biurhiera jany - končanyja valty,
Kali vydać rolik pra toje, što apazicyjaniery źviazany z hetymi 169 admarozkami, miarkuju, patrebny efiekt – masavaje šarachańnie hramadzian ad baćkafobaŭ, budzie dasiahnuty jak dva palcy.
Pradstaŭcie siabie vychad apazicyjaniera ŭ kamok na miascovy prypynak na nastupny dzień paśla demanstracyi na BT dakumientalna - publicystyčnaj stužki pad nazvaj, skažam, “Poza 169”.
.
Apazicyjanier: Kali łaska, Krynicu kłasičnuju i šakaładku.
Pradaviec: Oj. Prabačcie, zdajecca, niedzie ja Vas bačyŭ?
Apazicyjanier (saramliva čyrvaniejučy): moža ŭ Jeŭra ńjus? Tam ja niejak davaŭ kamientar nakont indeksu inviestycyjnaha davieru .
Pradaviec: Nie, dakładna nie na Jeŭrańjus. Pačakajcie, heta nie vas pazaŭčora pakazvali ŭ Panaramie. Vy tam jašče ładzili bankiet u Litvie z nahody jubileju - pierachodu ŭ status PUP 150-ha ipešnika. Vam jašče ad Kanhresu ZŠA pierachodziačy vympieł pieradavika dali.
Apazicyjanier: A, vy pra heta! Ja taksama doŭha ržaŭ z hetaha rolika. Cha-cha-cha. Jaki vympieł? Heta byli zdymki bankietu ź niejkaha dziažurnaha pravaabarončaha sieminaru.
Pradaviec: a praŭda toje, što hołas za kadram kazaŭ: byccam vy zajmajeciesia z PUPšnikami masavymi orhijami, cytujučy pry hetym tekst ukazu numar 170 Ab niekatorych mierach pa rehulavańniu dziejnaści pradprymalnikaŭ?
Apazicyjanier: Jakija orhii? Kali łaska, možna atrymać majo piva i šakaładka.
Pradaviec: i ipešnikaŭ pad kajfam vy ŭ PUP nie pieravodzicie?
Apazicyjanier: piva i šakaładku!
Pradaviec: a ludzi nie brešuć, što ad žadańnia mieć status PUP možna lačycca tolki ŭ doktara Chadorkina?
Apazicyjanier (źbiahajučy): nu ciabie.
Pradaviec: (uśled) nabudź humavuju dekłaracyju ab dachodach, vyčvareniec apazicyjny! fu...ledź nie aPUPili. Dakazvaj potym, što ty nie 170-y.
