U vyniku darožna-transpartnaha zdareńnia, što adbyłosia na aŭtadarozie Palany—Padolcy zahinuła piensijanierka.
U subotu viečaram u milicyju pazvaniŭ žychar vioski Padolcy i raskazaŭ, što na aŭtadarozie Palany—Padolcy mašynaj była źbita žančyna. Praź niekatory čas urač Astravieckaj balnicy paviedamiŭ milicyjanieram, što kala vioski Palany znojdziena zahinułaja žančyna.
Milicyjaniery, jakija pryjechali na miesca darožna-transpartnaha zdareńnia, ustanavili, što piensijanierka z Padolcaŭ ruchałasia na viełasipiedzie pa pravamu boku prajeznaj častki ź vioski Palany ŭ viosku Padolcy. Za 35—40 mietraŭ ad vioski Palany jaje źbiła mašyna, jakaja jechała ŭ sustrečnym napramku. Paśla praviadzieńnia milicyjanierami apieratyŭnych mierapryjemstvaŭ było ŭstanoŭlena, što ŭ momant zdareńnia pakryćcio asfalta było suchim, na viełasipiedzie byli śviatłoadbivalnyja elemienty, učastak darohi pramy.
Paśla najezdu na piensijanierku vinoŭnik avaryi ŭciok ź miesca DTZ.
U Astravieckim i bližejšych rajonach byŭ uviedzieny płan "Pierachop". Chutka vinoŭnik avaryi, žychar vioski Rytań, i mašyna "Folks-vahien-Pasat", pad kołami jakoj zahinuła piensijanierka, byli znojdzieny. Kab paźbiehnuć zasłužanaha pakarańnia, hora-vadziciel schavaŭsia ŭ siabra na terytoryi Spondaŭskaha sielsavieta, tym samym pahoršyŭšy svaju dolu. Suprać vadziciela ŭzbudžana kryminalnaja sprava i jamu pahražaje pazbaŭleńnie voli.
