Napiaredadni zimovych śviat MNS papiaredžvaje hramadzian pra ryzyki pry kupli, zachoŭvańni i vykarystańni piratechniki.
U paviedamleńni, raźmieščanym na viedamasnym sajcie, MNS rekamienduje kuplać piratechničnyja vyraby tolki ŭ śpiecyjalizavanych mahazinach ci adździełach.
Pry kupli treba zapytać u pradaŭca siertyfikat adpaviednaści patrabavańniam techničnaha rehłamientu Mytnaha sajuza «Ab biaśpiecy piratechničnych vyrabaŭ»; źviartać uvahu na termin pryhodnaści (jak praviła, piratechnika nie zachoŭvajecca bolš za try hady) i instrukcyju (abaviazkova na biełaruskaj ci ruskaj movie).
Zachoŭvać piratechniku treba ŭ suchim pamiaškańni, bieź jakich-niebudź krynic ahniu. Nielha trymać takija vyraby i kala batarej aciapleńnia.
Dla zachoŭvańnia piratechniki nie padydzie bałkon ci kuchnia: u pieršym vypadku vyrab moža adsyreć, u druhim — pierahrecca i spracavać samaadvolna.
MNS taksama nahadvaje, što doma možna vykarystoŭvać tolki samyja prostyja chłapuški, astatnija piratechničnyja vyraby — vyklučna na vulicy.
«Kab piratechnika zamiest jarkich uražańniaŭ nie pakinuła niepryjemnyja ŭspaminy», ratavalniki rekamiendujuć: stroha vykonvać instrukcyju; nie raźbirać piratechničnyja vyraby i nie padviarhać ich miechaničnym uździejańniam; nie zapuskać pry mocnym vietry; nie kuryć pry pracy ź piratechnikaj; nie nakiroŭvać jaje ŭ bok ludziej; nie nasić u kišeniach.
U pieryjad minułahodnich zimovych śviat, z 25 śniežnia pa 4 studzienia, z-za parušeńnia pravił biaśpieki pry ŭžyvańni piratechničnych srodkaŭ u Biełarusi adbyłosia 18 niaščasnych vypadkaŭ, traŭmy atrymali 19 čałaviek, u tym liku siem dziaciej.
Jak paviedamlałasia raniej, z 9 śniežnia ŭ Minsku pravodzicca apieracyja pa spynieńni niezakonnaha abarotu piratechničnaj pradukcyi.
Rejdavymi pravierkami byli pravieranyja ŭsie biez vyklučeńnia handlovyja kropki horada, u tym liku bujnyja rynki. Supracoŭniki milicyi buduć pracavać jak u formiennym abmundziravańni, tak i ŭ cyvilnym adzieńni.
Apieracyja praciahniecca da 9 studzienia, ale rejdavyja mierapryjemstvy praciahnucca da kanca zimy.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary