Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu.
«Na hetym tydni ŭ Biełarusi budzie pieravažać pavyšany dla hetaha hoda tempieraturny režym, na 3-5 hradusaŭ vyšejšy za normu. Nas čakaje mokry śnieh i doždž, syroje z tumanami i słabymi hałalodnymi źjavami nadvorje.
Adziny plus u najbližejšy tydzień, što aktyŭnych cykłonaŭ, urahanaŭ nie čakajecca», — zaznačyŭ sinoptyk.
U aŭtorak miescami nievialikija apadki, doždž, mokry śnieh, tuman, nočču i ranicaj słaby hałalod. Na asobnych učastkach daroh hałalodzica. Tempieratura pavietra nočču minus 3°S — plus 3°S, dniom plus 1—6°S.
U sieradu ŭ asobnych rajonach nievialikija karotkačasovyja apadki: doždž, mokry śnieh. Miescami tuman, słaby hałalod, na darohach hałalodzica. Tempieratura pavietra nočču minus 4°S — plus 1°S, dniom minus 2°S — plus 3°S.
U čaćvier nadvorje abumović vobłaść pavyšanaha atmaśfiernaha cisku, sfarmiravanaja ŭ vilhotnym pavietry: u asobnych rajonach, pieravažna pa zachodniaj pałovie, nievialikija karotkačasovyja apadki, doždž, mokry śnieh. Miescami tuman, słaby hałalod, na darohach hałalodzica. Tempieratura pavietra nočču 0°S — minus 6°S, dniom ad minus 3°S pa ŭschodzie da plus 4°S pa zachadzie krainy.
«U dalejšym da kanca tydnia nadvorje buduć vyznačać ciopłyja vilhotnyja pavietranyja masy atłantyčnaha pachodžańnia», — zaznačyŭ Rabaŭ.
U piatnicu — niadzielu miescami karotkačasovyja apadki, mokry śnieh, doždž. U asobnych rajonach tuman, słaby hałalod, na darohach hałalodzica. Tempieratura pavietra nočču minus 5°S — plus 1°S, dniom minus 3°S — plus 3°S.
