Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў падчас відэабрыфінгу.
«На гэтым тыдні ў Беларусі будзе пераважаць павышаны для гэтага года тэмпературны рэжым, на 3-5 градусаў вышэйшы за норму. Нас чакае мокры снег і дождж, сырое з туманамі і слабымі галалёднымі з'явамі надвор'е.
Адзіны плюс у найбліжэйшы тыдзень, што актыўных цыклонаў, ураганаў не чакаецца», — зазначыў сіноптык.
У аўторак месцамі невялікія ападкі, дождж, мокры снег, туман, ноччу і раніцай слабы галалёд. На асобных участках дарог галалёдзіца. Тэмпература паветра ноччу мінус 3°С — плюс 3°С, днём плюс 1—6°С.
У сераду ў асобных раёнах невялікія кароткачасовыя ападкі: дождж, мокры снег. Месцамі туман, слабы галалёд, на дарогах галалёдзіца. Тэмпература паветра ноччу мінус 4°С — плюс 1°С, днём мінус 2°С — плюс 3°С.
У чацвер надвор'е абумовіць вобласць павышанага атмасфернага ціску, сфарміраваная ў вільготным паветры: у асобных раёнах, пераважна па заходняй палове, невялікія кароткачасовыя ападкі, дождж, мокры снег. Месцамі туман, слабы галалёд, на дарогах галалёдзіца. Тэмпература паветра ноччу 0°С — мінус 6°С, днём ад мінус 3°С па ўсходзе да плюс 4°С па захадзе краіны.
«У далейшым да канца тыдня надвор'е будуць вызначаць цёплыя вільготныя паветраныя масы атлантычнага паходжання», — зазначыў Рабаў.
У пятніцу — нядзелю месцамі кароткачасовыя ападкі, мокры снег, дождж. У асобных раёнах туман, слабы галалёд, на дарогах галалёдзіца. Тэмпература паветра ноччу мінус 5°С — плюс 1°С, днём мінус 3°С — плюс 3°С.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3523
Каментары