Infarmacyja pra niadaŭna pabudavanuju rezidencyju kiraŭnika Biełarusi pad nazvaj Pałac Niezaležnaści dachodzić adryvista. Cełasnaje ŭražańnie pra abjekt atrymać pakul prablematyčna — abiacanyja ekskursii dla zvyčajnych hramadzian i žurnalistaŭ jašče nie naładžanyja. Niekatoryja padrabiaznaści maštabnaj budoŭli ŭdałosia daviedacca dziakujučy rasijskaj kampanii «Jantarnaja priad́ — parkiet», jakaja kłała parkiet i staviła dźviery ŭ Pałacy Niezaležnaści.
Padmaskoŭnaja kampanija zdavała pracy pad kluč, h.zn prymała ŭdzieł u raspracoŭcy, vytvorčaści i mantažy mastackaha parkietu i dźviarej.
Ahulnaja płošča parkietnych rabot skłała 3600 kv. m.
Pavodle źviestak kampanii, u Pałacy Niezaležnaści mnostva pakojaŭ i załaŭ, «tolki na pieršym paviersie nie mienš za 45 pamiaškańniaŭ».
U rezidencyi znachodziacca vialikaja i małaja bankietnyja zały, univiersalnaja zała, zała dla ŭračystych mierapryjemstvaŭ i aficyjnych sustreč, pres-centr, pamiaškańni dla praviadzieńnia pieramoŭ i naradaŭ, a taksama zała dla uznaharodžańniaŭ.
Pavodle acenak ekśpiertaŭ, košt kładki mastackaha parkietu padobnaha na pakazany na fatazdymkach, moža varjiravacca ad 300 da 2000 dalaraŭ za kvadratny mietr (siudy ŭklučana cana samich materyjałaŭ i rabot pa ŭkładcy).
U suviazi z hetym možna mierkavać, što kładka parkietu ŭ Pałacy Niezaležnaści, chutčej za ŭsio, abyšłasia nie ŭ adzin miljon dalaraŭ.
«Jantarnaja priad́ — parkiet» taksama vyrabiła i ŭstalavała 260 dźviarej u Pałacy Niezaležnaści.
Vyšynia 14 dźviarej skłała 4 m, a 6 ź ich majuć vyšyniu bolš za 4,3 m. Raskošnyja draŭlanyja dźviery z raźbianym arnamientam ŭpryhožany pazałotaj i pacinaj.
Pavodle acenak ekśpiertaŭ, košt adnych takich dźviarej składaje bolš za 3 tys. dalaraŭ.
Dla rasijskaj kampanii heta nie pieršy dośvied pracy ź Biełaruśsiu. U minułym hodzie rasijanie ŭkładvali parkiet u ofisie Biełarusbanka ŭ Minsku (płošča — 900 kv. m). Akramia taho, u partfolia jość zakaz ad pasolstva Biełarusi ŭ Maskvie (było vykładziena 1100 kv. m parkietu na praciahu troch hadoŭ).
U kampanii nazyvajuć niadaŭni prajekt u Minsku adnym z samych bujnych u historyi kampanii.
