U jakaści adnoj z umoŭ pryvatyzacyi Mazyrskaha naftapierapracoŭčaha zavoda Biełaruś prapanavała rasijskaj kampanii «Raśniefť» pavialičyć da 2020 hoda pastaŭki nafty ŭ Biełaruś da 20 miljonaŭ ton.
Pra heta paviedamiŭ namieśnik premjer-ministra Biełarusi Piotr Prakapovič, vystupajučy 20 śniežnia na sumiesnym pasiadžeńni dźviuch pałat nacyjanalnaha schodu.
«Razmova idzie, kab častka nafty, jakaja pastaŭlajecca ŭ Jeŭropu, pierapracoŭvałasia ŭ Biełarusi i pradavałasia na ekspart», — skazaŭ jon.
Na dumku Prakapoviča, na praciahu miesiaca rasijski bok vyznačycca pa hetym pytańni.
Kali Rasija padtrymaje hetuju prapanovu, heta budzie aznačać dla Biełarusi bujny inviestycyjny prajekt, padkreśliŭ vice-premjer.
Mazyrski NPZ źjaŭlajecca adnym z vysokatechnałahičnych naftapierapracoŭčych pradpryjemstvaŭ Uschodniaj Jeŭropy.
U 2012 hodzie abjom pierapracoŭki nafty na pradpryjemstvie skłaŭ 11,09 młn. ton.
Pa dadzienych Ministerstva finansaŭ, AAT «Mazyrski NPZ « u pieršym paŭhodździ 2013 stała druhoj pa abjomie čystaha prybytku publičnaj kampanijaj Biełarusi. Čysty prybytak zavoda skłaŭ 1.063 młrd. rubloŭ, vyručka — 14.584,1 młrd. rubloŭ.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary