Dźmitryj Rabaŭ: Zima vyrašyła nas ihnaravać

Na hetym tydni tempieratura pavietra ŭ Biełarusi na 5—8°S pieravysić klimatyčnuju normu.

Na hetym tydni ŭ Biełarusi čakajecca ciopłaje nadvorje z tempieraturaj na 5—8°S vyšejšaj za klimatyčnuju normu, paviedamiŭ načalnik słužby hidramietearałahičnych prahnozaŭ Hidramieteacentra Dźmitryj Rabaŭ.

«Zima vyrašyła nas poŭnaściu ihnaravać. Voś i ŭ apošni tydzień hetaha hoda jana da nas nie pryjdzie», — skazaŭ jon.

Pavodle słoŭ sinoptyka, pieršuju pałovu tydnia ŭmovy nadvorja ŭ Biełarusi budzie vyznačać pole pavyšanaha atmaśfiernaha cisku, sfarmiravanaje ŭ ciopłym pavietry.

U aŭtorak istotnych apadkaŭ nie prahnazujecca, tolki nočču pa paŭnočnym uschodzie nievialiki doždž i mokry śnieh. Nočču i ranicaj miescami pa krainie tuman, na asobnych učastkach daroh hałalodzica. Tempieratura pavietra nočču ad minus 3°S da plus 2°S, dniom plus 2—7°S.

U Hrodnie zaŭtra apadkaŭ nie čakajecca, tempieratura pavietra nočču ad minus 1°S da plus 1°S, dniom plus 4—6°S.

U Breście taksama biez apadkaŭ, nočču minus 1°S — plus 1°S, dniom plus 5—7°S.

U Homieli i Viciebsku bieź istotnych apadkaŭ, nočču minus 1°S — plus 1°S, dniom plus 2—4°S.

U Mahilovie taksama bieź istotnych apadkaŭ, nočču 0°S — minus 2°S, dniom plus 2—4°S.

U Minskaj vobłaści ŭ aŭtorak prahnazujecca vobłačnaje z prajaśnieńniami nadvorje, bieź istotnych apadkaŭ, nočču i ranicaj miescami tuman, na asobnych učastkach daroh hałalodzica. Viecier paŭdniovy 5—10 m/s, nočču pa poŭnačy vobłaści paryvy da 14 m/s. Tempieratura pavietra nočču minus 3°S — plus 2°S, dniom plus 2—5°S.

U stalicy čakajecca vobłačnaje z prajaśnieńniami nadvorje, bieź istotnych apadkaŭ, nočču i ranicaj słaby tuman, na asobnych učastkach daroh hałalodzica. Viecier paŭdniovy 5—10 m/s. Tempieratura nočču minus 1°S — plus 1°S, dniom — plus 2—4°S.

U sieradu ŭ krainie taksama istotnych apadkaŭ nie čakajecca, miescami na darohach hałalodzica, tempieratura nočču minus 2°S — plus 3°S, dniom plus 1—6°S.

Jak adznačyŭ Rabaŭ, nadalej praź Biełaruś buduć prachodzić małaaktyŭnyja atmaśfiernyja fronty, tamu z čaćviarha pa subotu ŭ asobnych rajonach čakajucca nievialikija apadki, u asnoŭnym doždž, na darohach miescami hałalodzica.

Tempieratura pavietra nočču prahnazujecca ŭ miežach ad minus 2°S da plus 3°S, dniom — plus 1—6°S.

U niadzielu praź Biełaruś budzie prachodzić bolš aktyŭny atmaśfierny front, tamu na bolšaj častcy terytoryi čakajecca mokry śnieh i doždž, miescami tuman, hałalod, na darohach — hałalodzica. Tempieratura nočču minus 3°S — plus 3°S, dniom minus 2°S — plus 4°S.

• 0
• 0
• 0
• 0
• 0
• 0
• 0
• 0