Palitviazień Vaśkovič z kastryčnika 2011 h. pravioŭ u ŠIZA 247 sutak
Člen arhkamiteta pa stvareńni partyi «Biełaruskaja chryścijanskaja demakratyja» Jaŭhien Vaśkovič, jaki adbyvaje pakarańnie ŭ turmie №4 u Mahilovie, z kastryčnika 2011 hoda pravioŭ u štrafnym izalatary 247 sutak.
Pavodle infarmacyi adkaznaha sakratara BCHD Dzianisa Sadoŭskaha, apošnija 10 sutak u štrafnym izalatary Vaśkovič atrymaŭ 27 śniežnia 2013 hoda, sustreŭšy ŭ karcary Novy hod. Bolšaść pakarańniaŭ abhruntoŭvajecca «admovaj vykonvać zakonnyja patrabavańni supracoŭnikaŭ turmy».
U siarednim, adznačyŭ Sadoŭski, Vaśkovič pravodzić u štrafnym izalatary 15-20 sutak na miesiac. Pry roście 186 santymietraŭ jon važyć ciapier 65 kiłahramaŭ.
Nierehularna i vybaračna dachodziać listy i banderoli jak Vaśkoviču, tak i ad jaho. BCHD zaklikaje pravaabaroncaŭ i mižnarodnyja arhanizacyi vykazać pratest, a kiraŭnictva turmy — spynić katavańni ŭ dačynieńni da Vaśkoviča.
***
Za sprobu padpału ŭ noč na 17 kastryčnika 2010 hoda budynka KDB u Babrujsku, u jaki byli kinutyja butelki z zapalnaj sumieśsiu, Vaśkovič razam z Arciomam Prakopienkam i Paŭłam Syramołatavym 18 maja 2011 hoda byŭ asudžany na padstavie č. 2 art. 339 (złosnaje chulihanstva) i č. 3 art. 218 (naŭmysnaje źniščeńnie abo paškodžańnie majomaści ŭ asabliva bujnych pamierach) Kryminalnaha kodeksa na siem hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary