U cichi kvartał u centry Minska pryduć pieramieny. Tam budzie vializny skvier, centr sučasnaha mastactva i parkinh

U administracyi Savieckaha rajona dniami startuje hramadskaje abmierkavańnie prajekta detalovaha płanavańnia, ale maštabnaha budaŭnictva ci znosu tut nie budzie. Realt.by raskazvaje, što tut płanujuć pamianiać.

Havorka idzie pra terytoryju płoščaj 76,3 ha. Vialikaja jaje častka znachodzicca ŭ Savieckim rajonie, a nievialiki ŭčastak u 4 ha — u Pieršamajskim. Miežami mikrarajona źjaŭlajecca praśpiekt Niezaležnaści, vulicy Hikały, Płatonava i Kazłova. Na Załatoj Horcy, jakaja niekali była haradskoj uskrainaj, ciapier susiedničajuć stalinski ampir, paślavajennyja piacipaviarchoŭki i sučasnyja ofisy.

Jość tut i niekalki budynkaŭ, jakija majuć status historyka-kulturnych kaštoŭnaściej. Heta — kaścioł Śviatoj Trojcy (Śviatoha Rocha), Biełaruskaja dziaržaŭnaja fiłarmonija, budynki pa praśpiekcie Niezaležnaści i pa vulicy Kazłova, carkva Alaksandra Nieŭskaha na terytoryi Vajskovych mohiłak.

Znos i parkoŭki

Pad znos pavinien adpravicca były žyły dom pa vulicy Załataja horka, 8A. Žychary adsiul daŭno pierajechali, a sam dom na momant 2023 hoda naležaŭ zabudoŭščyku «Makrainžynirynh», jaki ŭźvioŭ pobač elitnuju šmatpaviarchoŭku.

Pavialičyć

Pavialičyć

U pierśpiektyvie horadabudaŭniki prapanujuć źnieści i dva administracyjna-vytvorčyja budynki pa vulicach Hikały, 22B i Płatonava, 31A. Na miescy budynka na Hikały, 22B prajekciroŭščyki prapanujuć ŭźvieści padziemny parkinh. Nie sakret, što situacyja z parkoŭkami ŭ centry Minska pakidaje žadać lepšaha. U vyniku ŭsich pieraŭtvareńniaŭ, ahulnaja kolkaść mašyna-miescaŭ u kvartale pavinna vyraści z 1090 da 4160 (častka ź ich budzie zareziervavana na sumiežnych terytoryjach).

Pad znos taksama vyznačany isnujučyja boksavyja haražy i haspadarčyja pabudovy nienaležnaha vonkavaha vyhladu, jakija ciapier znachodziacca na ŭnutrydvarovych terytoryjach i psujuć abličča centra horada.

Damy pad znos i rekanstrukcyju adznačany na karcie.

Pavialičyć

Infrastruktura

Što tyčycca infrastruktury, to ŭ bližejšy čas płanujecca rekanstrukcyja niepracujučaha dziciačaha doma № 4 pa vulicy Bieraścianskaj, 20 pad śpiecyjalizavany dziciačy sad na 140 miescaŭ. Taksama ŭ płanach horadabudaŭnikoŭ — rekanstrukcyja doma pa vulicy Čyrvanazornaj, 31, dzie ciapier pracuje chosteł, pad Centr sučasnaha mastactva «Kvaternik».

Akramia taho ŭ kvartale mohuć źjavicca novyja abjekty bytavoha absłuhoŭvańnia, ofisy z charčovaj kramaj i administracyjny budynak z padziemnaj stajankaj.

Pavialičyć

Abstalavańnie

Usie isnujučyja zialonyja ŭčastki ŭ mikrarajonie zachavajuć i pamnožać. Tak, u kvartale chočuć stvaryć skvier horada-pabracima Čančuń, a taksama dobraŭparadkavać terytoryju byłych katalickich mohiłak za kaściołam Śviatoj Trojcy (vidać, havorka pra pustku, jakuju raniej zajmała antena-hłušyłka).

Tut pavinien źjavicca novy skvier płoščaj 1,65 ha, u jakim u ciopły čas hoda zmohuć prachodzić vystavy pad adkrytym niebam. Taksama ŭ płanach značycca madernizacyja Bondaraŭskaha skviera i bulvara Mulavina.

Pavialičyć

Aznajomicca z prajektam taksama možna budzie ŭ faje administracyi Savieckaha rajona, a taksama na aficyjnym sajcie ŭ raździele «Hramadskija abmierkavańni» (materyjały tut užo vykładzieny).

Hramadskaje abmierkavańnie budzie prachodzić z 26 lutaha pa 12 sakavika. Zaŭvahi i prapanovy z pamietkaj «hramadskaje abmierkavańnie» prymajuć u terminy praviadzieńnia hramadskaha abmierkavańnia pa adrasie: 220 013, Minsk, Daraševiča, 8 (albo pa elektronnaj pošcie: [email protected]). Vyniki hramadskaha abmierkavańnia padviaduć na pasiedžańni architekturna-horadabudaŭničaha Savieta pry hałoŭnym architektary horada Minska.

• 1
• 1
• 0
• 3
• 2
• 0
• 0
• 0