SK pa Minskaj vobłaści zavieršana papiaredniaje rasśledavańnie pa kryminalnaj spravie ŭ dačynieńni da žycharoŭ Słuckaha rajona, jakija abvinavačvajucca ŭ kradziažach, chulihanstvie, razboi, kradziažach transpartnych srodkaŭ i zabojstvie. Usiaho śledstvam ustanoŭlena 48 epizodaŭ ich złačynnaj dziejnaści.
Ab hetym paviedamiła aficyjny pradstaŭnik USK pa Minskaj vobłaści Taćciana Biełanoh.
Jana raskazała, što, pavodle źviestak śledstva, na praciahu hoda abvinavačvanyja, siarod jakich byli i niepaŭnaletnija, u Słucku i Salihorsku šlacham padboru kluča abo raźbivańnia škła pranikali ŭ sałony aŭtamabilaŭ i vykradali ź ich majomaść.
Da kryminalnaj adkaznaści pa hetaj spravie pryciahnuta 10 asob.
U chodzie rasśledavańnia taksama ŭstanoŭlena dačynieńnie asobnych fihurantaŭ da zabojstva kačahara Słuckaj balnicy, jakoje było ŭčyniena ŭ sakaviku 2013 hoda.
Dziejańni abvinavačvanych, u zaležnaści ad učynienych supraćpraŭnych dziejańniaŭ, śledstvam kvalifikavanyja pa składach złačynstvaŭ, praduhledžanych č. 3 art. 205 KK (kradziež, učynieny ŭ bujnym pamiery), č. 2 art. 214 KK (kradziež transpartnaha srodku, učynieny paŭtorna), č. 2 art. 212 KK (kradziež šlacham vykarystańnia kampjutarnaj techniki), č. 1 art. 339 KK (chulihanstva), art. 421 KK (nievykanańnie patrabavańniaŭ previentyŭnaha nahladu), č. 3 art. 207 KK (razboj, učynieny hrupaj asob, z pryčynieńniem ciažkaha cialesnaha paškodžańnia), p.p. 6, 12, 15 č. 2 art. 139 KK (zabojstva, učynienaje hrupaj asob, z asablivaj žorstkaściu, spałučanaje z razbojem).
Abvinavačvanyja pryznali vinu i znachodziacca pad vartaj.
Pałova pryčynienaha ŭronu, jaki pa kryminalnaj spravie skłaŭ zvyš 125 młn. rubloŭ, kampiensavana.
Sprava pieradadziena prakuroru dla nakiravańnia ŭ sud.
