Prezident Ukrainy (2005—2010) Viktar Juščanka zaklikaŭ uładu i apazicyju sieści za stoł pieramovaŭ, kab nie dapuścić u krainie hramadzianskaj vajny.
«Palityčnyja pieramovy pavinny stać sposabam vychadu ź situacyi jak taktyčna - dla siońniašniaha dnia, tak i z punktu hledžańnia stratehičnych patrabavańniaŭ ukrainskich hramadzian. Pieramoha vulicy, pieravaha siły ŭ supraćstajańniach mohuć stać pieršym epizodam hramadzianskaj vajny. U lubym vypadku taki scenar nie pavinien być realizavany», - cytuje zajavu Juščanki ŭ paniadziełak 20 studzienia pres-słužba «Našaj Ukrainy».
Jon ličyć, što supraćstajańnia na vulicy Hrušeŭskaha možna było nie dapuścić, kali b pravaachoŭnyja orhany nie zabłakavali ruch pa vulicy dla mirnych mitynhoŭcaŭ i aŭtamabilaŭ Aŭtamajdanu.
«Stvareńnie barykad pravaachoŭnikami, ŭstalavańnie aŭtobusaŭ i ščytoŭ stała nieadekvatnym adkazam i radykalizavali nastroi ludziej,
jakija źbiralisia prademanstravać svaju niazhodu z pryniatymi ŭ parłamiencie zakonami antydemakratyčnaha kštałtu.
Mirny charaktar Majdana parušyli nieprafiesijnyja dziejańni milicyi. Užyvańnie vadamiotaŭ i hranat naohuł pavinna stać pradmietam rasśledavańnia
jak hrubaje parušeńnie ukrainskaha i mižnarodnaha zakanadaŭstva», - ličyć Juščanka.
Jon taksama źviarnuŭ uvahu na toje, što niedachop palityčnaha lidarstva i adsutnaść vyraznaha realistyčnaha płanu dziejańniaŭ stała nie tolki asnoŭnaj prablemaj dla zachavańnia aŭtarytetu apazicyi, ale i radykalizavali udzielnikaŭ Majdanu.
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary