17-hadovy Michaił Niskahuz — adzin z zatrymanych 20 studzienia na Hrušeŭskaha. Učora ŭnačy jaho adpuścili pad chatni aryšt, i jon raspavioŭ, što ź im rabiŭ «Bierkut».
«Kali mianie źbivali, jany prymušali śpiavać himn Ukrainy», — raspaviadaje junak.
«Ja stajaŭ kala arki stadyjona «Dynama». Zdymaŭ toje, što adbyvajecca na telefon, na kamieru», — raspaviadaje Michał.
Dalej student apisvaje žudasnyja rečy. Jaho i jašče troch chłopcaŭ, jakija stajali pobač, niekalki razoŭ udaryli pałkami i paviali na terytoryju milicyi.
«Jany zrabili žyvy kalidor, kala 40 čałaviek, pravodzili mianie im. Kožny biŭ nahami, biŭ pałkami, ździekavaŭsia, plavaŭ. Kali ŭžo prajšoŭ kalidor, načalnik charkaŭskaha «Bierkuta» zahadaŭ raspranacca. Jany źniali ź mianie ŭsio adzieńnie i ablili cieła piarcovym hazam. Potym śmiajalisia z taho, jak ja kurčyŭsia ad bolu», — raspaviadaje zatrymany.
Dalej — horš.
«Adzin ź ich dastaŭ nož i parezaŭ majo ściahno, skazaŭšy, što heta tabie pomsta za našaha siabra, jaki druhi miesiac lažyć u komie», — raspaviadaje zatrymany Niskahuz.
Usio heta za 10 chvilin. Dalej paviali ŭ aŭtazak. Tam złamali ruki.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka9
Kamientary