Cieła milicyjanta z ahniastrelnym ranieńniem hałavy znajšli ŭ Hałasiejeŭskim rajonie Kijeva 24 studzienia ŭviečary.
Zabitaha znajšli achoŭniki, jakija pracujuć na budaŭnictvie niepadalok ad miesca ździajśnieńnia złačynstva.
Mužčyny pačuli streły i pabiehli ŭ toj bok. Prybiehšy na miesca, adrazu vyklikali milicyju.
Śviedki bačyli, jak dvoje nieviadomych biehli ź miesca zdareńnia.
Užo ŭstanoŭlena, što paciarpieły — 27 hadovy staršy siaržant adździeła dziaržaŭnaj słužby achovy Hałasiejeŭskaha rajupraŭleńnia milicyi. Milicyjant išoŭ sa słužby dadomu biez zbroi.
Pražyvaŭ pravaachoŭnik nie ŭ internacie «Bierkuta», jak spačatku paviedamili niekatoryja ŚMI, a na kvatery. Departamient achovy ŭ śpiecyjalnaj zajavie padkreśliŭ, što sprava nijak nie źviazanaja z Majdanam.
Tym nie mienš, ministr unutranych spravaŭ u śpiecyjalnaj zajavie źviazaŭ śmierć z «ekstremistami». Jon taksama źvinavaciŭ demanstrantaŭ u zachopie troch milicyjantaŭ na Majdanie.
Hetuju zajavu lidary Majdanu abvierhli. Jany vykazali mierkavańnie, što takim čynam rychtujecca hleba dla siłavych dziejańniaŭ.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary