Praz zatrymki na miažy niekatoryja rejsy z Varšavy da Minska pieranosiacca na sutki
Ranicaj 18 žniŭnia ŭ prapusknym punkcie «Brest» znachodziacca 108 aŭtobusaŭ i 4410 aŭtamabilaŭ, paviedamili ŭ Pamiežnym kamitecie. «Lusterka» zaŭvažyła ŭ čatach pa prachodžańni miažy, što niekatoryja rejsy z Varšavy pieranosiacca na nastupny dzień.
U čaty pa prachodžańni miažy ludzi pierasyłajuć paviedamleńni ad pieravozčykaŭ, dzie havorycca pra zatrymki aŭtobusnych rejsaŭ z Varšavy.
Naprykład, aŭtobus Ecolines Varšava-Minsk, jaki pavinien byŭ adpravicca 17 žniŭnia ŭ 08:00, pieranieśli na 14:00 18 žniŭnia.
Rejs taho ž pieravozčyka Varšava-Brest-Baranavičy-Minsk, zapłanavany na 1:20 18 žniŭnia, adpravicca ŭ 1:00 19 žniŭnia.
Paviedamlajuć i pra zatrymki inšych aŭtobusaŭ.
«Amal va ŭsich pieravozčykaŭ zatrymki, źviazanyja z tym, što aŭtobusy nie paśpiavajuć prajści miažu Biełarusi i Polščy, kab potym paśpieć viarnucca», — pišuć pasažyry.
Kamientary