Mitrapalit Minski i Słucki Pavieł patryjaršy ekzarch usioj Biełarusi choča pryniać biełaruskaje hramadzianstva. Ab hetym jon zajaviŭ u intervju prahramie «Kontury» telekanała ANT 26 studzienia.
Pavodle słoŭ mitrapalita, hetuju temu jon abmiarkoŭvaŭ z kiraŭnikom RPC Kiryłam pierad pryjezdam u Biełaruś i atrymaŭ błasłavieńnie. «Najśviaciejšy skazaŭ, što heta budzie vielmi pravilna», — skazaŭ patryjaršy ekzarch usioj Biełarusi.
Svajo žadańnie pryniać biełaruskaje hramadzianstva jon rastłumačyŭ nastupnym čynam: «Ja šmat hadoŭ žyŭ za miažoj. Tyja vyniki, tyja pośpiechi majho znachodžańnia ŭ Razani źviazanyja z tym, što ja siabie adčuvaŭ ŭ Razani doma. Mienavita tamu ja imknuŭsia rabić usio mahčymaje, kab naša Razanskaja mitrapolija była na hodnym uzroŭni. U Jeŭropie abo Złučanych Štatach u ja zaŭsiody byŭ hościem, tamu što va ŭsim ja siabie nie moh pavodzić tak, jak pavodziać siabie jeŭrapiejcy abo amierykancy. Ja tam byŭ inšaziemiec. U Biełarusi chaču pracavać i słužyć mienavita tak, jak kali b źjaŭlaŭsia hramadzianinam Biełarusi. Tamu i chaču pryniać biełaruskaje hramadzianstva».
Pavodle słoŭ mitrapalita, heta nie źjaŭlajecca «palityčnym trukam, palityčnym krokam». «Heta majo žadańnie — adčuvać tut doma nie tolki duchoŭna, ale i jurydyčna», — zajaviŭ jon.
