Мітрапаліт Мінскі і Слуцкі Павел патрыяршы экзарх усёй Беларусі хоча прыняць беларускае грамадзянства. Аб гэтым ён заявіў у інтэрв'ю праграме «Контуры» тэлеканала АНТ 26 студзеня.
Паводле слоў мітрапаліта, гэтую тэму ён абмяркоўваў з кіраўніком РПЦ Кірылам перад прыездам у Беларусь і атрымаў блаславенне. «Найсвяцейшы сказаў, што гэта будзе вельмі правільна», — сказаў патрыяршы экзарх усёй Беларусі.
Сваё жаданне прыняць беларускае грамадзянства ён растлумачыў наступным чынам: «Я шмат гадоў жыў за мяжой. Тыя вынікі, тыя поспехі майго знаходжання ў Разані звязаныя з тым, што я сябе адчуваў ў Разані дома. Менавіта таму я імкнуўся рабіць усё магчымае, каб наша Разанская мітраполія была на годным узроўні. У Еўропе або Злучаных Штатах у я заўсёды быў госцем, таму што ва ўсім я сябе не мог паводзіць так, як паводзяць сябе еўрапейцы або амерыканцы. Я там быў іншаземец. У Беларусі хачу працаваць і служыць менавіта так, як калі б з'яўляўся грамадзянінам Беларусі. Таму і хачу прыняць беларускае грамадзянства».
Паводле слоў мітрапаліта, гэта не з'яўляецца «палітычным трукам, палітычным крокам». «Гэта маё жаданне — адчуваць тут дома не толькі духоўна, але і юрыдычна», — заявіў ён.
Каментары