Siońnia prezident Litvy Dala Hrybaŭskajcie abviaściła, što prymie ŭdzieł u prezidenckich vybarach 11 maja. Pra heta jana zajaviła siońnia na pres-kanfierencyi.
«Ja chaču i abaviazanaja dapamahčy Litvie stać krainaj mahčymaściaŭ dla sumlennych ludziej, kab Litva nie razyšłasia, kab naša svaboda i dabrabyt nie raskrali i ni na što nie pramianiali.
Abaviazacielstvy pierad Litvoj i jaje ludźmi dla mianie važniej asabistaha spakoju. Tamu ja biez usialakich sumnieńniaŭ vybirajučy pracu dla vas i ŭ jakaści niezaležnaha kandydata znoŭ buduć udzielničać u vybarach prezidenta Litvy», — skazała Hrybaŭskajcie.
Pavodle źviestak studzieńskaha apytańnia, u Hrybaŭskajcie bolš za ŭsio šancaŭ pieramahčy na vybarach, pieršy tur jakich adbudziecca 11 maja.
Za jaje na vybarach prahałasavali b 39,7 % udzielnikaŭ apytańnia, a jaje bližejšy kankurent sacyjał-demakrat, jeŭraparłamientaryj Zihmantas Balčycis atrymaŭ by 8,6 % hałasoŭ
U vybarach taksama prymuć udzieł pradstaŭnik Partyi pracy Arturas Paŭłaŭskas, kandydat ad «sialan» Bronis Ropie, mer Vilni Arturas Zuokas i były daradca Hrybaŭskajcie člen Siejma Linas Balsis.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny30
Kamientary