4 lutaha a 10.00 u słužbu pa nadzvyčajnych situacyjach pastupiła paviedamleńnie ab tym, što na terytoryi mini-CEC «Zachodniaja» filijała RUP «Brestenierha» «Pinskija ciepłavyja sietki» adbyłasia ŭciečka mazuty ŭ abvałoŭvańnie.
Paśla prybyćcia da miesca vykliku vyśvietlena, što ŭ korpusie zasaŭki na trubapravodzie dyjamietram 100 mm, jaki vykarystoŭvajecca dla zapampoŭki mazuty ŭ reziervuar, ŭtvaryłasia raskolina. Praź jaje adbyłasia ŭciečka. Płošča raźlivu mazutu skłała kala 1500 kv. m.
U reziervuary, ź jakoha adbyłasia ŭciečka, znachodziłasia 1243,5 kub.m. mazutu. Abjom stračanaha paliva vyśviatlajecca.
Praciečka likvidavanaja — nakładzieny bandaž na paškodžanuju zasaŭku. Raboty pa likvidacyi nastupstvaŭ avaryjnaj situacyi viaducca. Zadubiełuju mazutu nahravajuć paraj i adpampoŭvajuć u inšy reziervuar. Zadziejničana 2 adzinki techniki, 10 čałaviek. Likvidacyja, pavodle acenak MNS, zojmie try dni.
