Prezident Kazachstana Nursułtan Nazarbajeŭ dapuściŭ mahčymaść źmieny nazvy svajoj krainy. Hetuju temu jon zakranuŭ u chodzie naviedvańnia Intelektualnaj škoły Atyrau i sustrečy z pradstaŭnikami hramadskaści.
tengrinews.kz
«U naźvie našaj krainy jość kančatak «stan», jak i ŭ inšych dziaržaŭ Centralnaj Azii. U toj ža čas zamiežniki prajaŭlajuć cikavaść da Manholii … pry hetym u jaje naźvie adsutničaje zakančeńnie «stan»», — rastłumačyŭ prezident. Mahčymym varyjantam nazvy krainy jon nazvaŭ spałučeńnie «kazak jeli» («Kazachski narod»).
«Mahčyma, treba razhledzieć z časam pytańnie pierachodu na nazvu našaj krainy «kazak jeli», ale pierš varta abaviazkova abmierkavać heta z narodam», — skazaŭ na zakančeńnie kiraŭnik krainy.
Raniej u Kazachstanie ŭžo vykazvalisia prapanovy ab pierajmienavańni krainy, adnak aficyjnaj padtrymki jany nie atrymlivali.
U 2010 hodzie na kurułtai pastanavili, što kraina pavinna nazyvacca Kazachskaj dziaržavaj. Taksama prapanoŭvałasia pierajmienavać jaje ŭ Kazachiju.
U 2013 hodzie na sajcie Onlinepetition źjaviŭsia zvarot z zaklikam pierajmienavać Kazachstan u «kazak jeli» abo kazak Riespublikasy (Kazachskaja Respublika). «Nas časta błytajuć z krainami Paŭdniovaj Azii, heta značyć z Pakistanam i Afhanistanam, — pisaŭ aŭtar pietycyi. — Kolki b my nie atrymlivali pieramoh na suśvietnych arenach … suhučča z vyšejnazvanymi dziaržavami (mienavita z prystaŭkaj «stan») psuje ŭsiu ahulnuju karcinu ab našaj Radzimie».
