Прэзідэнт Казахстана Нурсултан Назарбаеў дапусціў магчымасць змены назвы сваёй краіны. Гэтую тэму ён закрануў у ходзе наведвання Інтэлектуальнай школы Атырау і сустрэчы з прадстаўнікамі грамадскасці.
«У назве нашай краіны ёсць канчатак «стан», як і ў іншых дзяржаў Цэнтральнай Азіі. У той жа час замежнікі праяўляюць цікавасць да Манголіі … пры гэтым у яе назве адсутнічае заканчэнне «стан»», — растлумачыў прэзідэнт. Магчымым варыянтам назвы краіны ён назваў спалучэнне «kазаk елі» («Казахскі народ»).
«Магчыма, трэба разгледзець з часам пытанне пераходу на назву нашай краіны «kазаk елі», але перш варта абавязкова абмеркаваць гэта з народам», — сказаў на заканчэнне кіраўнік краіны.
Раней у Казахстане ўжо выказваліся прапановы аб перайменаванні краіны, аднак афіцыйнай падтрымкі яны не атрымлівалі.
У 2010 годзе на курултаі пастанавілі, што краіна павінна называцца Казахскай дзяржавай. Таксама прапаноўвалася перайменаваць яе ў Казахію.
У 2013 годзе на сайце Onlinepetition з'явіўся зварот з заклікам перайменаваць Казахстан у «kазаk елі» або kазаk Республикасы (Казахская Рэспубліка). «Нас часта блытаюць з краінамі Паўднёвай Азіі, гэта значыць з Пакістанам і Афганістанам, — пісаў аўтар петыцыі. — Колькі б мы не атрымлівалі перамог на сусветных арэнах … сугучча з вышэйназванымі дзяржавамі (менавіта з прыстаўкай «стан») псуе ўсю агульную карціну аб нашай Радзіме».
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары