Biełaruskaja aŭtamabilnaja asacyjacyja nazvała samyja pradavanyja marki aŭtamabilaŭ, a taksama samyja papularnyja madeli.
Pieršaje miesca ŭ rejtynhu zajmaje «Falksvahien Poła» (2029 pradadzienych aŭto ŭ 2013 hodzie). Prodažy hetaj mašyny vyraśli ŭ 2,4 razu (u 2012-m było 856 aŭto). Miesca zborki pradadzienych «Falksvahienaŭ» nie ŭkazvajecca, adnak na rynku pradstaŭlena bahata niamieckich aŭto z Kałuhi (Rasija).
Na druhim i trecim miescach znachodziacca dźvie madeli «Reno-Dačyja». «Sanderu» nabyli 1434 kupcoŭ, a «Daster» — 1375.
Na čaćviortym miescy «Kia Rya», udałosia pradać 1322 aŭtamabilaŭ. Na piatym — «Chundaj Akcent» (899).
Najlepšymi aŭtamabilami z rasijskich brendaŭ stali «VAZ Niva» (783 aŭto, 6-je miesca) i «VAZ-2114» (574 aŭto, 9-je miesca).
Siomaje-vośmaje miesca ŭ rejtynhu zaniali «Škody» — «Aktavija» (698) i «Rapid» (650).
Zaviaršaje dziasiatku samych papularnych madelaŭ «Kia Sportydž» (559 aŭto).
U paraŭnańni z 2012 hodam rejtynh źmianiŭsia istotna. Tady pieršyja dva radki zajmali «Łada Pryjora» i «Łada Niva». Lidarstva rasijskich aŭtamabilaŭ tady było dasiahnuta za košt zakupak jurydyčnymi asobami.
Aproč ich, u piaciorku najlepšych uvachodzili «Falksvahien Poła», a taksama dźvie madeli «Reno-Dačyja» — «Łohan» i «Sandera».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)