Barbara Jaruzelskaja źvinavaciła 91-hadovaha Jaruzelskaha ŭ zdradzie
«Chaču raźvieścisia z mužam, ale jon nie daje mnie razvod», — pryznajecca ŭ intervju polskamu vydańniu «Super Express» 84-hadovaja Barbara Jaruzelskaja i dadaje: «Ja ŭžo nie kachaju jaho, bo vorahaŭ nie kachajuć!»
Žonka Vojciecha Jaruzelskaha, byłoha prezidenta Polščy, abvinavačvaje 91-hadovaha hienierała ŭ zdradzie z byłoj chatniaj rabotnicaj. Kali Jaruzielski byŭ špitalizavany dla lačeńnia limfomy, 50-hadovaja žančyna stała jahonaj siadziełkaj.
«Hetaja dama — amaralnaja, da taho ž maje prablemy z ałkaholem. Jana adkryta zalacajecca da majho muža, štodzień prychodzić u špital, nosić jamu bulony… Jana paprostu ŭčapiłasia ŭ jaho! I jamu heta, vidać, padabajecca. Ale kali jana zastaniecca ŭ našym domie, to tam nie budzie mianie! Ja sastuplu joj miesca», — kaža pani Jaruzelskaja.
Byłaja pieršaja łedzi pryznajecca, što heta pieršy surjozny kryzis ich šlubu, jaki doŭžycca ŭžo 53 hady. Na praciahu ŭsiaho hetaha času Jaruzelskija byli ŭzoram šlubnaj viernaści, što pryznavali navat vorahi polskaha hienierała.
Mahčyma, i ciapier havorka nie pra zdradu, a prosta pra kryŭdy i ŭvahu?
Kamientary