8 lutaha ŭ Viciebsku, u samym centry horada, miž har- i abłvykankamami la «Piramidy» adbyŭsia pikiet pramoŭcaŭ Biełaruskaj chryścijanskaj demakratyi i kampanii «Havary praŭdu». «Pramoŭcami» partyja nazyvaje svaich kandydataŭ u deputaty. Chadeki adkryta kažuć, što ŭ vybary nie vierać i na pieramohu nie raźličvajuć. Ale vykarystoŭvajuć kampaniju dla sustreč ź ludźmi.
Na pikiecie ŭ Viciebsku, aproč podpisaŭ u padtrymku pramoŭcaŭ, źbirali taksama podpisy za budaŭnictva śmiećciepieraapracoŭčaha kambinata i suprać ałkahalizacyi nasielnictva.
Niahledziačy na drennaje nadvorje, sabrać podpisaŭ atrymałasia šmat, paviedamiła kaardynatarka arhkamiteta BCHD u Viciebsku Taćciana Sieviaryniec.
Ale… Na pikiet zavitali ludzi ŭ cyvilnym z kamierami, jakija zdymali ŭdzielnikaŭ pikieta ŭ tvar.
Toje samaje raniej zdaryłasia ŭ Minsku. Jak vyjaviłasia, zdymali ludziej supracoŭniki milicyi ŭ štackim. Na dumku lidaraŭ BCHD, meta hetaha — zastrašyć ludziej.
Naviedała pikiet i pradstaŭnica vybarčaj kamisii. Jana nijak nie adreahavała na dziejańni asobaŭ u cyvilnym, — adznačajecca ŭ paviedamleńni ź Viciebska
