![]() |
Vykładčyki techničnych VNU vykazvajuć niezadavolenaść admienaj vykładańnia ŭ ahulnaadukacyjnych škołach čarčeńnia. Siońnia častkova viedy pa hetym pradmiecie školniki atrymlivajuć na ŭrokach matematyki, infarmatyki i technałohii.
Nakolki efiektyŭnaja takaja zamiena, možna mierkavać choć by pa vynikach zdačy studentami Biełaruskaha nacyjanalnaha techničnaha ŭniviersiteta ekzamienu pa inžyniernaj hraficy: ź pieršaj sproby hety pradmiet zdajuć tolki 60 pracentaŭ studentaŭ, 6 pracentaŭ studentaŭ uvohule jaho nie zdajuć, a astatnija — tolki z druhoj ci treciaj sproby. U moładzi, jakaja pastupaje na techničnyja śpiecyjalnasci, zusim nie razvita prastoravaje myśleńnie, kanstatujuć u BNTU, i heta źjaŭlajecca adnym z nastupstvaŭ admieny vykładańnia ŭ škole pradmieta «Čarčeńnie».
U suviazi z takimi abstavinami pa daručenni ministra adukacyi našaj krainy budzie stvorana rabočaja hrupa, u jakuju płanujecca ŭklučyć vykładčykaŭ VNU, jakija vałodajuć kampjutarnaj hrafikaj, nastaŭnikaŭ techničnaj pracy, majstroŭ prafiesijna‑techničnaj adukacyi i inšych śpiecyjalistaŭ, kab daskanała praanalizavać i dać arhumientavany adkaz, ci jość nieabchodnaść viarnucca da vykładańnia ŭ škole pradmieta «Čarčeńnie», i kali jość takaja nieabchodnaść, to za košt čaho i jakim čynam heta možna zrabić.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)