Bernd Štanhie: Uzrovień biełaruskaha futbołu katastrafična nizki

Uzrovień biełaruskaha futboła "katastrafična drenny" i "znachodzicca ŭ vidavočnym dysanansie ź infrastrukturaj i hrašyma, što tut prysutničajuć".

Takoje mierkavańnie vykazaŭ hałoŭny trenier nacyjanalnaj zbornaj Biełarusi Biernd Štanhie ŭ intervju niamieckaj haziecie "Frankfurter Allgemeine Zeitung".

U artykule zaznačana, što pieršyja rašeńni B. Štanhie pazityŭna ŭspryniali nie ŭsie. U pryvatnaści, admova niemca ad pasłuh Siarhieja Hurenki i Siarhieja Štaniuka spravakavała "mocny kryk jaho niaŭdałych papiarednikaŭ".

"Abodva jany vydatnyja hulcy, ale ŭ dalejšym raści nie buduć. Da taho ž biełaruski futboł z hetym pakaleńniem ničoha nie dasiahnuŭ", — ličyć B. Štanhie.

Jak padkreślivaje "FAZ", u niamieckaha śpiecyjalista jość prykryćcio z boku Biełaruskaj fiederacyi futboła: u trochhadovym kantrakcie B.Štanhie zafiksavana, što jon moža spakojna pracavać pieršyja paŭtara hady.

"Štanhie ŭvieś čas nahadvaje, nakolki vialikaje jaho zadańnie. Jamu padabajecca rola vyratavalnika, — piša hazieta. — Jon choča, kab biełaruski futboł pazbaviŭsia ad svajoj zvykłaj, vielmi niepryvabnaj abarončaj taktyki". "Biełarusam niaprosta pryvić niamiecki abo brazilski styl hulni, ale treba karystacca tym, što tut vielmi šmat chutkich hulcoŭ", — skazaŭ trenier.

Jon, pavodle jaho słoŭ, raźličvaje, što ŭžo ŭ nastupnym hodzie kamanda zrobić furor śviežym, atakujučym futbołam.

"Hrandy pavinny bajacca hulać u Minsku. Dahetul jany ŭsie z uśmieškaj vieźli adsiul ački", — zajaviŭ B.Štanhie.

Na praciahu ŭsiaho studzienia nastupnaha hoda jon płanuje pravieści zbor z udziełam futbalistaŭ, jakija vystupajuć u biełaruskich kłubach, kab danieści da ich "sučasnaje ŭjaŭleńnie ab hulni i trenierskaj rabocie".

Pytańni pra palityku trenieru niepryjemnyja, zaznačaje "FAZ".

"Pakul prezident FIFA Jozef Błater paciskaje ruku Alaksandru Łukašenku, Štanhie niama pra što kłapacicca. Ja prosta vykonvaju tut svaju rabotu jak futbolny trenier", — padkreśliŭ śpiecyjalist.

Niamieckaje vydańnie paviedamlaje, što zarpłata B.Štanhie ŭ Biełarusi składaje 800 tys. dołaraŭ u hod (prykładna 66.700 dołaraŭ, abo amal 47.000 jeŭra ŭ miesiac u pieraliku pa biahučym kursie). Spartyŭnaja haziety "Priessboł", što vychodzić u Minsku, 18 kastryčnika nazvała bolš nizki pamier miesiačnaj zarpłaty treniera — 25.000 jeŭra.

Za try miesiacy pad kiraŭnictvam B.Štanhie kamanda atrymała adnu pieramohu i mieła čatyry paražeńni, try ź jakich — u adboračnym turniry čempijanatu Jeŭropy-2008.

Dźmitry Ułasaŭ, BiełaPAN

• 0
• 0
• 0
• 0
• 0
• 0
• 0
• 0