Novym kiraŭnikom spraŭ BPC pryznačany 33-hadovy archimandryt Antonij (Daronin)
Ź pieršaha pasiadžeńnia Sinoda Biełaruskaj Pravasłaŭnaj Carkvy prajšoŭ tydzień, a časopisy usio jašče nie apublikavali. Ale ŭ navinie pra aśviačeńnie chrama ŭ Starobinie archimandryt Antonij (Daronin) nazyvajecca «Kiraŭnikom spraŭ Biełaruskaj Pravasłaŭnaj Carkvy».
Tak što adno z rašeńniaŭ Sinoda jasna — archijepiskap Navahrudski i Lidski Huryj (Apalka) bolš nie źjaŭlajecca Kiraŭnikom spraŭ Biełaruskaha Ekzarchata, a heta miesca zaniaŭ pakul nie jepiskap — archimandryt Antonij (Daronin).
Aznajomimsia sa rysami bijahrafii taho, chto kiruje zaraz našymi spravami.
Archimandryt Antonij (Daronin), śvieckaje imia Dyjanisij naradziŭsia 18 śniežnia 1980 h. u Baku. U 2003 hodzie skončyŭ Minskuju duchoŭnuju sieminaryju, tema dypłomnaj pracy «Sistematyčny biblijahrafičny pakazalnik artykułaŭ Litoŭskich Jeparchijalnych Viedamaściej z 1888 pa 1902 hh».
Zimovy siemiestr 2005-2006 hoda i letni siemiestr 2006 pravioŭ u Vyšejšym pravasłaŭnym bahasłoŭskim instytucie Suśvietnaha Patryjarchatu ŭ Šambiezi (Ženieva), adnak u śpisie tych, chto abaraniŭ mahistarskija dysiertacyi ŭ Instytucie jon nie značycca.
U 2008 hodzie abaraniŭ kandydackuju dysiertacyju ŭ Minskaj Duchoŭnaj Akademii z temaj «Biełaruskija trebniki XVII—XVIII stst.: Historyja i liturhičnaje bahasłoŭje».
Z 2009 pa 2011 hady navučaŭsia ŭ aśpirantury pry AZCS, paśla zakančeńnia jakoj atrymaŭ paśviedčańnie ab pavyšeńni kvalifikacyi.
Pastryžany ŭ manastva ź imiem Antonij, paśviečany ŭ dyjakanski san i pryznačany asabistym sakratarom Mitrapalita Minskaha i Słuckaha Fiłareta nie paźniej 2009 hoda.
Paśviečany ŭ ijerejski san 6 krasavika 2010 h. Mitrapalitam Minskim i Słuckim Fiłaretam.
Uźviedzieny ŭ san ihumiena 15 śniežnia 2010 hoda.
Uźviedzieny ŭ san archimandryta 7 studzienia 2012 h.
Pryznačany adkaznym sakratarom Kiraŭnictva spraŭ Biełaruskaj Pravasłaŭnaj Carkvy, pamočnikam rektara Minskich Duchoŭnych škoł pa Duchoŭna-adukacyjnym centru.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie4
Kamientary