Lidar «Pravaha siektara» Dźmitryj Jaraš miarkuje, što dla zachavańnia terytaryjalnaj cełasnaści Ukrainy ŭ Krymie treba razharnuć «humanitarnuju apieracyju».
«Treba razharnuć humanitarnyja apieracyi ŭ Krymie, kab ukrainskija śpievaki, viadomyja ludzi jechali b tudy i padtrymlivali tam ŭkraincaŭ, rasijcaŭ, krymskich tataraŭ, jakija vystupajuć za zachavańnie terytaryjalnaj cełasnaści Kryma», — miarkuje Jaraš.
Akramia taho, lidar Pravaha siektata abvierh zajavy ab ksienafobii i antysiemityźmie ŭ šerahach arhanizacyi. Tak, pavodle jaho słoŭ, u składzie PS vielmi mnoha pradstaŭnikoŭ zusim roznych nacyjanalnaściaŭ, i heta nijak nie pieraškadžaje im być bratami.
«My suprać ksienafobii i antysiemityzmu», — padkreśliŭ jon.
Na pytańnie, jak paŭpłyvaje na jaho dziejnaść toj fakt, što ŭ Rasiei jon abjaŭleny ŭ vyšuk, Jaraš adznačyŭ: «Nijak nie paŭpłyvaje».
«Pucina bajacca — u les nie chadzić», — dadaŭ jon.
Na jaho dumku, Rasii treba było abviaścić u vyšuk nie Jaraša, a Pucina jak vajennaha złačynca.
Na pytańnie, čamu ŭ jaho tak šmat achovy, Jaraš skazaŭ, što maje infarmacyju pra toje, što hrupa z 8 čałaviek vypraviłasia z Rasii dla jaho niejtralizacyi.
Taksama Jaraš adznačyŭ, što źjaŭlajecca «zvyčajnym čałaviekam»: naradziŭsia ŭ Dniepradziaržynsku (Uschodniaja Ukraina), žanaty, maje dvuch dziaciej «i chutka narodzicca treciaje — unuk».
Na pres-kanfierencyi Jaraš ŭpieršyniu źjaviŭsia na ludziach u kaściumie pry halštuku i pavitaŭsia z žurnalistami na ŭkrainskaj, rasiejskaj i anhlijskaj movach.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ35
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1515
Kamientary