Alaksandr Łukašenka zajaŭlaje ab adsutnaści nacisku na jaho z boku Kramla ŭ suviazi z padziejami va Ukrainie. Ab hetym jon zajaviŭ siońnia na pasiadžeńni Rady biaśpieki.
«Niekatoryja (ja pahladzieŭ apošnim časam i siońnia ranicaj ahlad srodkaŭ masavaj infarmacyi) pačynajuć padkołvać nas, što, maŭlaŭ, Łukašenka nie ŭstupaje nacisku Kramla, pakul trymajecca», - adznačyŭ jon.
«Na mianie nichto nie naciskaje, nijakija kramli i inšyja na mianie nikoli nie naciskali, bo heta, pa-pieršaje, bieśpierśpiektyŭna abo, jak kažuć dypłamaty, kontrpradukcyjna. Na mianie niama čaho naciskać», - padkreśliŭ Łukašenka.
«Ja budu abaraniać intaresy svajoj krainy i dziejničać u strohaj adpaviednaści z našymi dahavorami, u tym liku ŭ adpaviednaści z dahavoram ab budaŭnictvie Sajuznaj dziaržavy, dzie ŭ nas jość pramyja abaviazacielstvy, hetak ža, jak i ŭ Rasii. My ŭ hetych adnosinach budziem dziejničać», - padkreśliŭ jon.
«Bolš taho, my apošnim časam, i my hetaha nie chavali, znachodzimsia ŭ pastajannym kantakcie z prezidentam Rasijskaj Fiederacyi. My abmiarkoŭvajem roznyja pytańni našych uzajemaadnosin, - adznačyŭ Alaksandr Łukašenka. - My nie možam abychodzić i heta pytańnie. Jano pastajanna ŭ poli zroku i prezidenta Rasii, i prezidenta Biełarusi».
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha145
Kamientary