Z čaćviarha ŭ Biełarusi pačnie ciapleć, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pavodle jaho słoŭ, u aŭtorak umovy nadvorja na terytoryi krainy buduć vyznačać atmaśfiernyja franty, jakija pieramiaščajucca sa Skandynaŭskaha paŭvostrava. Na bolšaj častcy terytoryi krainy projdzie śnieh, mokry śnieh, miescami čakajecca zavirucha, dniom pa paŭdniovym zachadzie — mokry śnieh, jaki budzie pierachodzić u doždž, a taksama słaby hałalod. Na asobnych učastkach daroh sinoptyki čakajuć hałalodzicu. Nočču ŭ mnohich rajonach prahnazujecca ŭzmacnieńnie vietru z paryvami da 15-20 m/s.
Tempieratura pavietra ŭnačy składzie minus 1—7 hradusaŭ, dniom — ad 0 da 6 ciapła, pa paŭdniovym zachadzie ŭnačy ad 0 da +2 hradusaŭ, dniom — kala 8 hradusaŭ vyšej za nul.
«U sieradu časam prahnazujucca apadki ŭ vyhladzie daždžu, pa paŭnočnym uschodzie — z mokrym śnieham, mahčymy słaby hałalod, na darohach hałalodzica. Dniom sinoptyki abiacajuć uzmacnieńnie vietru z paryvami da 15—18 m/s. Tempieratura pavietra ŭ načnyja hadziny składzie ad minus 2 da 5 hradusaŭ ciapła, pa paŭnočnym uschodzie pry prajaśnieńniach budzie da 5 hradusaŭ marozu.
Dniom čakajecca ad 1 da 3 hradusaŭ sa znakam plus pa poŭnačy i da plus 7-9 hradusaŭ pa poŭdni krainy.
Dźmitryj Rabaŭ taksama adznačyŭ, što ŭ čaćvier dniom u šmatkiłamietrovaj toŭščy atmaśfiery čakajecca źmianieńnie nakiravanaści pavietranych patokaŭ — z paŭnočna-zachodnich na paŭdniova-zachodnija. «Na terytoryju Biełarusi z paŭdniovych šyrot pačnie pastupać bolš ciopłaje pavietra», - dadaŭ sinoptyk. Tempieratura pavietra ŭnačy składzie ad minus 2 da plus 5 hradusaŭ, dniom budzie plus 2-8 hradusaŭ, pa paŭdniovym zachadzie Bresckaj i Hrodzienskaj abłaściej pavietra prahrejecca da 9—12 hradusaŭ.
«Biez apadkaŭ u hety dzień nie abydziecca, — adznačyŭ Dźmitryj Rabaŭ. Karotkačasovyja apadki čakajucca na bolšaj častcy terytoryi krainy, dniom - u asnoŭnym u vyhladzie daždžu. «Nočču i ranicaj asobnyja ŭčastki daroh buduć ślizkimi. Miescami prahnazujecca ŭzmacnieńnie vietru paryvami da 15—18 m/s», — skazaŭ Dźmitryj Rabaŭ.
Pradstaŭnik hidramieteacentra dadaŭ, što ŭ piatnicu na terytoryi Biełarusi jašče bolš paciapleje, a śniežnaje pokryva praktyčna paŭsiul rastanie.
Tempieratura pavietra ŭnačy składzie ad 0 da plus 5 hradusaŭ, pry prajaśnieńniach pa paŭnočnym uschodzie Viciebskaj i Mahiloŭskaj abłaściej prahnazujecca da minus 2.
Udzień čakajecca plus 9—15 hradusaŭ, pa poŭdni Bresckaj i Homielskaj abłaściej słupki termomietraŭ dasiahnuć značeńniaŭ 16—18 hradusaŭ vyšej za nul.
Nočču ŭ asobnych rajonach, dniom pa poŭnačy respubliki projduć karotkačasovyja apadki ź pieravahaj daždžu. Miescami sinoptyki abiacajuć uzmacnieńnie vietru paryvami da 15—18 m/s.
Pavodle słoŭ pradstaŭnika hidramieteacentra, u subotu ciopłaje nadvorje zachavajecca. Tempieratura pavietra ŭnačy składzie ad 1 da 7 hradusaŭ vyšej za nul, dniom čakajecca plus 9—15 hradusaŭ, pa paŭdniovym uschodzie — da 16—18 hradusaŭ sa znakam plus. U paŭnočna-zachodnich rajonach projduć karotkačasovyja daždžy, dniom dzie-nidzie mahčymy navalnicy i paryvisty viecier. Nočču i ranicaj miescami zhuścicca tuman.
«U niadzielu čakajecca pieramiaščeńnie praz terytoryju Biełarusi atmaśfiernaha frontu, stanie krychu chaładniej», - dadaŭ Dźmitryj Rabaŭ.
Tempieratura pavietra ŭnačy składzie ad 0 da plus 7 hradusaŭ, pa paŭnočnym zachadzie pry prajaśnieńniach — da minus 2. Dniom prahnazujecca ad plus 5 pa poŭnačy da 15 ciapła pa poŭdni krainy.
Nočču na bolšaj častcy terytoryi, dniom miescami projduć karotkačasovyja apadki, u asnoŭnym doždž. Nočču i ranicaj miescami sinoptyki abiacajuć tuman.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary