Arhkamitet Sacyjalnaha maršu pahadziŭsia z umovami čynoŭnikaŭ Mienharvykankamu. Tym nia mienš, ci pojduć udzielniki maršu na Banhałor, jašče nie viadoma.
Pra heta paviedamiŭ pres‑centru Chartyi'97 siabra arhkamiteta akcyi, staršynia Abjadnanaj hramadzianskaj partyi Anatol Labiedźka. Pa słovach palityka, takoje rašeńnie siońnia pryniaŭ arhkamitet Sacyjalnaha maršu. Razam z tym, pa słovach Labiedźki, arhanizatary akcyi taksama majuć namier pryjści a 12 hadzinie na Kastryčnickuju płošču, kab pravieści ŭdzielnikaŭ akcyi da dazvolenaha miesca zboru.
Dalejšy maršrut akcyi (ad Akademii navuk), pa słovach lidera AHP, pakul nie vyznačany.
«Naša zadača pryciahnuć ludziej, jakija nikoli nie chadzili na takija mierapryjemstvy, tamu tut jość niekatoraje dalikactva: jak sumiaścić aktyŭnaść aktyŭnych ludziej i tych, chto da hetaha pakul naściarožana stavicca. Pośpiecham budzie, kali atrymajecca sumiaścić aktyŭnych ludziej, studenctva, z tymi, chto ni razu nie vychodziŭ na akcyi. Važna, kab ludzi nie bajalisia. Tamu my vyrašyli pačać akcyju na Akademii navuk. Ale dalej — kropka. Jakim budzie maršrut dalej, arhkamitet siońnia nie prymaŭ rašeńnie», — paviedamiŭ Labiedźka.
Učora Mienharvykankam nie daŭ dazvołu arhanizataram Sacyjalnaha maršu na praviadzieńnie akcyi pa zajaŭlenym maršrucie. Nahadajem, zajaŭka na praviadzieńnie 4 listapada ŭ Miensku Sacyjalnaha maršu była padadzienaja ŭ harvykankam 21 vieraśnia. Arhanizatary płanavali, što marš projdzie ad Kastryčnickaj płoščy stalicy da budynka Nacyjanalnaj biblijateki.
23 kastryčnika zajaŭniki Sacyjalnaha maršu sustrelisia z pradstaŭnikami Mienharvykankama. Kiraŭnik ideałahičnaha ŭpraŭleńnia staličnaj administracyi Hienadź Kurbieka zajaviŭ, što dazvołu na zajaŭleny maršrut dadziena nie budzie, i prapanavaŭ inšy maršrut — ad placoŭki pierad prezidyumam Nacyjanalnaj akademii navuk Biełarusi da płoščy Banhałor.
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary