 Anatol Rubinaŭ |
Relihija dapamahaje pabudavać bolš humanny sučasny śviet. Takuju dumku vykazaŭ siońnia na adkryćci ŭ Minsku Mižnarodnaj kanfierencyi «Dyjałoh Chryścijanstva i Isłama va ŭmovach hłabalizacyi» pieršy namieśnik kiraŭnika Administracyi prezidenta Anatol Rubinaŭ.
Praviadzieńnie forumu ŭ Minsku jon nazvaŭ važnaj padziejaj nie tolki dla relihijnaha śvietu. Pry hetym jon adznačyŭ, što «relihija źjaŭlajecca abjadnoŭvajučaj asnovaj hramadstva, dapamahaje ŭdaskanalvacca duchoŭna, niasie śvietu vysokija maralnyja ahulnačałaviečyja kaštoŭnaści».
Anatol Rubinaŭ padkreśliŭ niedapuščalnaść taho, kab pamiž kanfiesijami ŭźnikali supiarečnaści, jakija niepaźbiežna viaduć da napružanaści pamiž dziaržavami. U suviazi z hetym jon adznačyŭ, što naadvarot, atmaśfiera ŭzajemarazumieńnia i supracoŭnictva pamiž roznymi kanfiesijami dapamahaje naładžvać i zachoŭvać družalubnyja adnosiny pamiž krainami śvietu. Anatol Rubinaŭ vykazaŭ nadzieju, što mižnarodny forum projdzie ŭ Minsku vielmi paśpiachova, bo, pavodle jaho słoŭ, stalica i Biełaruś u cełym majuć asablivuju aŭru.
«Na biełaruskaj ziamli nikoli nie było supiarečnaściej pamiž kanfiesijami», — skazaŭ jon.
U jakaści prykładu vieraciarpimaści Anatol Rubinaŭ pryvioŭ padziei Druhoj suśvietnaj vajny, kali ludzi roznych nacyjanalnaściej, ryzykujučy ŭłasnymi žyćciami i žyćciami svaich rodnych i blizkich, pradastaŭlali prystanišča jaŭrejam. Na dumku pieršaha namieśnika kiraŭnika administracyi prezidenta Biełarusi, vieraciarpimaść — admietnaja rysa biełaruskaha naroda.
Siarod udzielnikaŭ forumu — biełaruskaje pravasłaŭnaje śviaščenstva, a taksama pradstaŭniki inšych kanfiesij i relihij Biełarusi. U liku zaprošanych — chryścijanskija dziejačy krain SND (Rasija, Ukraina) i dalokaha zamiežža (Vatykan, Hiermanija, Polšča, Vialikabrytanija, Italija, Bielhija, Aŭstryja, Šviejcaryja, Finlandyja, Łatvija). Delehacyju Vatykana ŭznačalvaje archijepiskap Stanisłaŭ Chačevar. U rabocie forumu taksama prymajuć udzieł musulmanie ź Biełarusi, Rasii, Polščy, Azierbajdžana, Turcyi, Irana i Kazachstana, a taksama pradstaŭniki dypłamatyčnaha korpusa, akredytavanaha ŭ Biełarusi.
Kanfierencyja, rabota jakoj pradoŭžycca da 27 kastryčnika, arhanizavana Instytutam relihijnaha dyjałoha i mižkanfiesijanalnych kamunikacyj pry Sinodzie Biełaruskaj pravasłaŭnaj carkvy i Chryścijanskim adukacyjnym centram imia sv. Miafodzija i Kiryły pry padtrymcy Papskaha savieta pa Chryścijanskamu adzinstvu i Papskaha savieta pa Mižrelihijnamu dyjałohu.
