Za rezalucyju z padtrymkaj terytaryjalnaj cełasnaści Ukrainy prahałasavali 100 krain — členaŭ AAN, suprać — 11. Heta Biełaruś, Kuba, Paŭnočnaja Kareja, Vieniesueła, Zimbabve, Armienija, Balivija, Nikarahua, Sudan, Siryja, nu i sama Rasija.
Pradstaŭnica ZŠA u AAN Samanta Paŭer praviaraje telefon, u toj čas jak pradstaŭnik Rasii Vitalij Čurkin prachodzić mima, a pradstaŭnik Biełarusi niešta piša, fota Rojterz.
Ustrymalisia — 58, siarod ich Kazachstan, Kitaj, Indyja, Brazilija. Ustrymalisia taksama Irak, Afhanistan, Jehipiet, Paŭdniovaja Afryka, Uźbiekistan.
Azierbajdžan hałasavaŭ za. Turkmienija, Kirhizija, Sierbija nie hałasavali.
Tekst rezalucyi zaklikaje krainy nie pryznavać ŭstupleńnie Kryma ŭ skład Rasii na padstavie vynikaŭ refierendumu 16 sakavika.
